Re: Pfitzauf

Jürgen Dollinger schrieb am Mittwoch, 22. September 2021 um 18:08:09 UTC+2:
> GMarco <[email protected]> wrote: 

> Bresala kennt i mol probiere. 

Musse glei no a Warnong hendrherschigga. 
Es schmeggd dann scho a bissle andersch, wenn dao Bresala dannabaebbed.

> Ka aber a bissle daure: d Christiane mag id soo oft Pfitzauf, 
> emmer wenns drom goht ma kennt so ebbes (zur Wahl zB Waffle, Dampfnudla, 
> Pfitzauf, Ofeschlupfer) mache sagt se i soll halt Dampfnudla mache.

Muasch ra mal saga, dass es xond isch, wemma sich abwaexlongsreich ernaehrd.
Also edd blos Dambfnudla sondern ao mal Pfiddsauf.

> Inzwische han i nomol zwoi andere irdene, en Sechser aus Silikon, ond 
> dees Muffinblech wo dronter liegt nemm i nemme her, dees hot so a 
> Beschichtong wo sich am Aufloese isch. 

Dees isch mal a guada Idee. Mei mir liegd a Sillikonfoermle f Maffins scho eewig rom,
ond Maffins send bei oos edd so Fafforidda. Aber dao mal Pfiddsaufdoig nei... 
Subber! Dees wedd brobierd!

> Es gibt jo au die Yorkshire Pudding was im Grund britische Pfitzauf 
> send, blos dass die koi Sieassspeis drus machet. Die nemmed Oel zom 
> fette ond mached dees ersch ganz hoiss vor se de Doig nei dent. Isch 
> halt a reachte Sauerei.

Mid de englische Redsebbd benn i emmer skebbdisch. 
Ieberall dao wo d Englender Kolonialherra wared, hadd mer bisher ds Essa edd gschmeggd.
Aber des hoisd ja edd audomadisch, dass se bleed send. Ka ma mal brobiera...


Dr Marco