Re: Herbschttour

On 15. Oct 2021, GMarco wrote
(in article<[email protected]>):

> Guenther Fischer schrieb am Donnerstag, 14. Oktober 2021 um 13:07:46 UTC+2:
>
> > Jetzatle ben i no auf en Motorroller omgschdiega. Des machd ao an riesiga
> > Schbass, weil mer ohne Aaschdrengonga voraa kommd ond sich manches wia midd
> > em Fahrrädle aafiehlt.
>
> I be ja scho seid e sechzea war aufm Roller onderwegs.
> Isch fr mi a schdiggle weid a Freiheit, dao naafaara zom kenna, wo Audos edd
> na kenned.
>
> Dr Marco

Frieher war älles besser... mr hodd nirgends a Verboddschild gseha, ond 
wenn, no hodd mr s ignoriert.

I ka mi no an oi Schild erinnera: "Durchfahrt verboten!" Dronter der Schbruch 
„Anlieger frei“. So midd sieba hodd mr zwor scho lesa kenna, aber mr hodd 
nedd gwissd, was an Anlieger isch.

Irgendwia ben i noch a bissale romfroga druff komma: Dr alte Franka Paul - dr 
„Vetter“ - hodd mi druff brocht. Der hodd gern d Bibel schdudiert ond no 
hodd er mir als erstes dia zehn Gebote ronterpredigt. Ond schliesslich hodd 
er gmoind, des wär an Freibriaf für oochrischdliche oogäubige Sinder, von 
denne grad en dera Schdroß einige wohna dädad. Dia derfad sogar oogschdroft 
liaga, uff Hochdeutsch: „Anlüger frei“.

I han des no scho so verschdanda, aber mei Großmutter, d Bas vom Vetter, 
hodd mir no erklärt, dass mr dem Paul edd ällas glauba derf, weil der so 
vill en dr Bibel liest ond moint, dass es zo ällam an Bibelschbruch passend 
geit. Ond des sei halt edd emmer so. Ond no hodd se mir da Onderschied 
zwischa ma Anlieger ond ma Anlüger erklärt.
Des war gar edd so oifach, weil sich des uff Schwäbisch gleich aahört.