Weihnachda

Hallole,

mir send grad fedding middm Grischdbaumschmigga, ond d Kendr missed jedsd ens Wassr. Komisch, des Jaor hammer vor dr Kirch gar koin Schdress, obwohl i nachher als Aufbassr eidoild ben. 

Als Weihnachdsessa geids bei ons tradizionell ond blos oimal em Jaohr an panierda Bierschenga mit Kadoffelsalad, Kreidrbagedd ond a baar Laogaweggla drzua.

I muas nachher ao no ends Wasser ond mi hibsch macha. Jedsd ersch mal warda, bis ds Bad frei wedd.

I hoff, dass bei eich alle ao scheene Weihnachda gfeierd wird, dass ihr a bissle ronderkommed ond dann frs neie Jaohr wieder Schwung holla kenned.


Dr Marco