Re: Weihnachda

On 22. Jan 2022, GMarco wrote
(in article<[email protected]>):

> Guenther Fischer schrieb am Freitag, 21. Januar 2022 um 14:30:41 UTC+1:
>
> > I mach mir des jeddzd ao oine zu ma Schdick Rendfloisch - aber dia
> > Schbätzla
> > kommed uss dr Gugg. I will seha, wia dia schmeggad....
>
> Oh je... Schbäddsla aus dr Gugg. Da war letschdens ebbas:
> Bei oos gibts au ab ond zu so ferdige Schbaedsla, di wo ma blos no en der
> Pfann warm macha muss
> (also edd Nudlo, wo wie Schbaedsla aussehed, ond wo ma aber ersch no em
> Wasser kocha muss).
> Die schmegged ganz guad, aber nadierlich edd wie selber gmachd.

Also, dia Guggaschbätzla send nex gwea. Ao noch 15 min kocha send dia no 
bogglhart gwea. I glob, dia liegad emmer no emm Maga, weil es do nix zom 
verdaua geid.
Sogar mei Idaliener mach bessere Schbatza - der woiss wia. Genao gnomma woiss 
des sei Frau, dui kocht nehmlich. Ihre Laisa midd Schbatza ond Soidawirschdla 
send Sonderklasse. Se hodd de jo ao beim Osswald glernd - der machd ao heut 
no de beschde Mauldascha weit ond broid - beim Idaliener ka mr dia essa ond 
kaofa.

> Dann hann i beim Eismann au Schbaedsla gsea, ond gmoid, die muss ma mal
> ausbrobiera.
> Und Eismann isch ja edd billig ond ao fr sei Gwallidaed bekannt.
>
> Ond was isch raus komma? Di schbaedsla von denne send schlemmer als die
> billigschde Aldi-Schbaedsla.
> Vielleichd liegds dra, dass dr Eismann koi Schwaob isch. Anders Zug isch
> subber,
> aber Schbaedsla kenned se edd. Ieberhaubd edd!
>
> Dr Marco

Do ka i jeddzd gar edd middschwätza. Dr Eismann blockiert manchmol bei ons d 
Schdross sonschd han i kon Bezug dazua.