Re: Oschderbsuechle

On 18. Apr 2022, Jürgen Dollinger wrote
(in article <[email protected]>):

> Geschtern wared mr en Aalen (de eiheimische saged Ooole) em tiefen
> Stollen. Do hot ma em 19. Jahrhondert Eiseerz abbaut ond en
> Wasseralfinge verhuettet. De ganze Berg hend se gloechert wie en
> schweizer Kaes. Heit isch do a Besucherbergwerk ond ma ka mit em Baehnle
> neifahre ond drenne no au Fuehrung mitmache. Aelle hend en Helm (ond zur
> Zeit a Maske) trage misse. Dees isch au notwendig, do dren isch zom Doil
> so eng ond niedrig, dass ma sich efter de Kopf anschtosst. Drausse hots
> a Roihe von Rondweg zu de oinzelne Lecher ond andere Hinterlasseschafte.
>
> Jetz isch Aalen koine 20 km vo Heubach, so hammer spontan beim Eile
> agrufa ob se ons empfanget. S Eile isch a wenge omanandergwuslet, dr
> Rudi isch a wenga wacklig auf de Fiass, hot sich a Bierle schmecka lasse
> (der Arzt hett ihm e Wasser verbotte, weil er sonsch roschtet, sagt er)
> ond en Witz verzehlt.
>
> Dr Ulli hot no sein Routinearuef drhoim gmacht ond hot sich arg gwondert
> als er mei Stemm ghert hot, seiner Aregong dass mr au a Posting mache
> solled, komm i jetz noch.
>
> Vom Guenther hammers au ghet, weil der hot nemlich geschtern Geburtstag
> ghet. Do gradulier i no ganz herzlich nochdraeglich!
> *Klingel-linge-ling* :)

Des war jetzt ganz liab, dass ihr da Rudi ond s Eile bsuachd hend ond no ao 
no zom Geburtsdag graduliert hend.

Wia ihr vielleicht no wissad, dr Rolfeisen hätt am gleicha Dag ao Geburtsdag 
ghedd.

I warde scho druff, dass er en seiner Hemmelswerkschdadd a Modem bäschdelt, 
dass er von dort oba ens Inderndd kommd ond wieder bei ons middmischa ka.

Uff jeden Fall send onsere Gedanka ond Wensch sicher bei em aakomma!