Re: Schaltung? Was isch dees?

Am 29.04.22 um 09:00 schrieb Ulli Horlacher:

 > A chinesischer Schtudent, dem ich des Konzept von ra Gangschaltong
 > erklaera missa hann (auf englisch, schwaebisch hot der ned verschtanda).
 > Der hot mit seiner Kettaschaltong noch NIE gschaltet.

Do drzua muass ma koi Chines sei...

Wahre, selbst erlebte Geschichte:

Wanderdaag en dr Schual: mid am Fahrrad uf'd Alb. Weiblicha 
Begleitperson (brauch ma): Sportlehrerin ca. 30.
S erschde Schdigg goht zemlich bergauf ond ma kommt schau en's Schnaufa. 
Dann durch'd Stadt ond no em Albaufstieg zua - ällas guad.
Zwischa Stadt und Albaufstieg gohd's ganz, ganz leicht bergauf (han i 
mit mei'm domoliga 3-Gang-Fahrrad logger em 3. Gang g'schafft).
Oogfähr uf dr Hälfte wird der Abschdand zo onsrer Schbordlehrerin äwwl 
greeßer ond plötzlich schdeigd se ab ond laufd.
Erklärung: Jedsd kenn se nemme...
Mir häbe feschdgschdellt: Se hod da greeschda Gang dren g'heed ond ischd 
mid dem au dui groessere Schdeigung nauf g'fahra.  Se haeb dees Rad 
ausglieha ond will nix kaputt macha. Deshalb häb se d Schaldung en Ruah 
g'lau und se werd au auf älle Fälle do dra nix macha.
Noch viel Palaver (uf Schwäbisch) hod se sich überreda lau, d 
Gangschaldung amol zom probiera - ond tatsächlich hod's klappt...

An scheene Gruass von Messinga
Wolfgang Hartter