Re: Dr Travaller

On 11. Jun 2022, Frank Zeeb wrote
(in article <[email protected]>):

> Am 11.06.2022 um 11:46 schrieb Guenther Fischer:
>
> >
> >
> > Also, des hodd dr Frank guad gschrieba.
> >
> > Zuafällig ben i no an a endressants Buach komma, en dem des ao erklärt
> > isch:
>
> Es war jo em Wolfgang sei Idee, i hans bloß versucht zom Belege.
Ja no, mir wissad scho, dass ihr Zwee reachde Käpsala send!
Hend ihr gwissd, dass „Zwee“ zwoi Menner send, „Zwua“ zwoi Fraua, ond 
„Zwoi“ gmischd isch? De schwäbisch Grammatik kennd do an Onderschied. 
Mei Großmuader hodd des emmer onderschieda, aber mir Jonge hend des edd 
begriffa, wenn se gaid hodd „ihr zwee Lompakerle!“ ond „dia zwua 
Batschweiber!“.

Jeddzd han i no em "Schwäbischen Handwörterbuch“ nochguggd ond dord 
fended me ao was:

Trawalle : Tölpel, ungebildeter gutartiger Mensch
trawalle(n) : arbeiten, übermäßig arbeiten, meistens mit den Händen, 
Feldgeschäft. Im Fränkischen auch: schwerfällig gehen.

Ich han no a bissale weiter denkt:

Wenn mr maulfaul isch, kennd dr Drawalle scho au zom „Dralle" werda. D 
Bedeutong isch de gleich: Kretin, Simpel, oder ao: ungeschickter, dummer, 
plumper Mensch - aber oogfährlich ond guadmiadig.

Des moint s Handwörterbuach derzua.