Re: Baden Wuerttemberg

On 20. Jul 2022, GMarco wrote
(in article<[email protected]>):

> Guenther Fischer schrieb am Freitag, 15. Juli 2022 um 12:07:46 UTC+2:
> ...
> > Also, dui „Abschdemmung“ von 1951 (!!) war a "Volksbefragong ohne
> > rechtliche Bindung". Deswega hend d Badener 1970 nomol abschdemma derfa. S
> > Verfassongsgericht war dr Moinung, dass d Badener ao eiverschdanda sei
> > derfed
> > oder ao nedd. Dr Grond war, dass es halt 1950 no koi Verfassong gebba hodd -
> > en Baden nedd, en Hohenzollern nedd ond ao en Wüttemberg nedd.
>
> Was soll ao dees sei, a "Volksbefragong ohne rechtliche Bindung"?
> Wenns eh koine Konsequenza hat, dann isch des doch nausgschmissanes Geld.
>
> Ond dees em Schwaobalendle.

Ja no, wenn Du moinsch, dass a Volksbefrogong heutzotag a rechtlicha Bindong 
hodd, ha no täuschd Du di.

Do gibts heut des Volksbegehren ond als nächschste Schdufe d 
Volkabschdimmung.
Des goht emmer über da Landtag. Ond der muass sich edd oobedengt dra 
halda...

Jeddzed hodd mr domols aber weder a Verfassung ghedd noch an Landtag. Aus dem 
Grond hodd mr halt a Volksbefragong gmacht.

Des war scho needig, weil a Demokratie halt so fonkzioniert. Ond weil es en 
ra Demokratie emmer Oozfriedene geit, hend a baar Siedbadener klagt - ond 
sogar recht griagd.

Aber bei dr näkschda Volksabschdemmung war en Baden koi Mehrheit do. Dia 
sogenannte „Altbadener“ en Südbaden hend inzwischa gmerkt, dass se en 
Baden-Württemberg ganz vorna schdanded - em Nama....

S war jo frieher ao scho so - oder so ähnlich. Des Herzogtum Schwaben 
middsamt Baden isch von de Staufer - ihr Schdammsitz isch bei Schwäbisch 
Gmünd - gführt worda.

D Badener hend ihren Nama von de Zähringer, dia ao uss em heutiga 
Württemberg schdammed:Berthold I. hodd sein Schdammsitz en Weilheim an der 
Teck auf dr Limburg ghedd. Er war ao Herzog von Kärnten ond Markgraf von 
Verona.

Sein Sohnemann war dr Hermann I. Graf im Breisgau, selbiger war dr erschde 
Markgraf von Baden - er hodd „Baden" ao da Nama gebba. Seine zwoi Brüader 
wared ao nedd so ohne, dr Berthold II. war Herzog von Schwaben, schbäder 
Herzog von Zähringen - dr Gebhard III. war Bischof von Konstanz.

Wenn i des de Badener verzehl, no send se maischdens ganz schdill....
Mr kennd en sogar no oin druff gebba: Süd-Badener ond Wuerttemberger send 
boide wia ao d Elsässer echte Schwoba: Überall geid s Schbätzla...