Re: Vogelherd und Lindenau

On 19. Oct 2022, Jürgen Dollinger wrote
(in article <[email protected]>):

> Guenther Fischer <[email protected]> wrote:
> > Göppinga wär ao was, do geit s a Märklin-Museum - oobedengt aagugga! En
> > dr
> > Schdadd geid s a baar Plätz zom besichtiga, dia einmalig send. Ond
>
> Göppinga kenn i no gar id, waer scho mol schee, wenn du ons do a bissle
> romfiehre daedsch.
>
> I mach jo ab ond zu private Fuehronge en Biberach. Letschtes Mol han i
> vier Stonde gschwaetzt ond emmer no id aelles zoigt :)

I moin, zua Geppenga kennd mr scho einiges saga.

S kommd druff a, was d Leut seha mechded.

S geid en Jebahausa a Jüdischs Museum, en dem viel von ooserer Lilo selig 
isch. Do kennd i selber fiehra - wer sich für da jüdische Friedhof 
endressiert, do kennd i da Schlüssl griaga.

Dann wär do d Oberhofenkirch - schbätromanisch. Schdaufer ...

Aber mei Favorit isch d Schdadtkirch. De gröschd prodeschdandisch 
Renaissancekirch em deitschschbrochiga Raum. Architektonisch 
aussergewöhnlich, weil von Heinrich Schickard plant ond baut. Danoch aber 
oft ombaut.

Wenn mr en derra Kirch schdooht, merkd ao a Laie, dass des koi gwehnlicha 
Kirch isch - so a Kurpfälzer däd saga: „annerschder“ isch dui Kirch.

Daneba isch iebrigends s Schadtschloss.

Schee isch, dass des älles ganz nooch beim Andechser am Schillerplatz isch.

> > schliesslich ka mr em Andechser guad essa:
> >
> > https://www.andechser-goeppingen.de
>
> Aeffle ond Pferdle goes bayrisch? Kennsch au Keppelers Turnerschaft?

Dr Andechser en Geppenga isch ganz arg schwäbisch:

https://www.andechser-goeppingen.de/Speisenkarte/speisenkarte-kopie.html

I ben do nia entdeischd worda...

Keppeler ond sei Turnerschaft isch irgendwia (ab)ghoba... aber mr kennd jo 
abschdemma. Oder vorher Probe essa...