Re: Weihnachtsgrieas

On 9. Jan 2023, Ulli Horlacher wrote
(in article <[email protected]>):

> GMarco <[email protected]>  wrote:
>
> > Also i benuds regelmaessig a Derive Version von 1988.
> > Domals had a kombleddes Compuderalgebrasischdem en 200 Kilobeids nei bassd!
>
> Domols henn die Leid au no brogrammiera kenna!
> Heutzutag wird doch bloss no zammaklickt :-(
>
> Zu meiner Studizeit hot dr Zentralcomputer der Uni 12 MB RAM kett und do
> drauf henn bis zu 100 User gleichzeitig drauf gschafft.
> Heutzutag werdet scho 12 GB fuer bloss oin User knapp!
> Des isch doch adipoes!

Oinerseits hosch rechd, andererseits ao nedd.

Alloi wenn i fodografier brauch i ordentlich Schbeicher für Bilder, die so 
oogfähr a frühers Dia wared. Bloos dass mr do heut deutlich meh Farbschdufa 
abschbeicherd, dass mr ao a gscheide Bildverarbeidong macha ka.

Ond mr fodografierd schliesslich ao meh, vor ällem wenn d Leut „Bildla" 
mechdad. „Knipsa" hoissd des.

Ond dann geid es nadierlich ao Musik, inzwischa wellad se des besser han wia 
em Original - uff jeden Falle besser als a LP oder a CD.... Lossless hald.

Ond Video - Film - Kino soll jo ao älles meeglich sei.... am beschda OLED 4K 
Ultra HD. Nix so lombigs Zeugs wia LED Full HD...

Desweaga isch no a heudiger PC midd 16 GB Arbeitsschbeicher ond 1 TB 
EssEssDee normal.

Ond weil des Zuigs ao no bedienbar bleiba soll fir nicht-digidalisierte 
Konsuhmer muass mr ao Brogrämmla derfier han.

Nadierlich älles Billich-Billicher-Scheissbillich. Oder glei ommasooschd.

Gang hald mol en da Mediamarkt ond heer bei ma “Beratungsgeschbräch“ 
zua. Do heersch bloos „gail,saugail, obergail“.

Mr muass hald saga: D Leut wellat s so - no griaged se s halt ao!