Re: Weihnachtsgrieas

On 10. Jan 2023, GMarco wrote
(in article<[email protected]>):

> Guenther Fischer schrieb am Montag, 9. Januar 2023 um 18:54:49 UTC+1:
> > On 9. Jan 2023, Ulli Horlacher wrote
> > (in article <[email protected]>):
> > > GMarco <[email protected]>  wrote:
> > >
> > > > Also i benuds regelmaessig a Derive Version von 1988.
> > > > Domals had a kombleddes Compuderalgebrasischdem en 200 Kilobeids nei
> > > > bassd!
> > >
> > > Domols henn die Leid au no brogrammiera kenna!
> > > Heutzutag wird doch bloss no zammaklickt :-(
> > >
> > > Zu meiner Studizeit hot dr Zentralcomputer der Uni 12 MB RAM kett und do
> > > drauf henn bis zu 100 User gleichzeitig drauf gschafft.
> > > Heutzutag werdet scho 12 GB fuer bloss oin User knapp!
> > > Des isch doch adipoes!
> > Oinerseits hosch rechd, andererseits ao nedd.
> >
> > Alloi wenn i fodografier brauch i ordentlich Schbeicher für Bilder, die so
> > oogfähr a frühers Dia wared. Bloos dass mr do heut deutlich meh
> > Farbschdufa
> > abschbeicherd, dass mr ao a gscheide Bildverarbeidong macha ka.
>
> Do muasch zwischa Schbeicherblads fr Dada ond Schbeicherblads fr
> Brogrammschniggschnagg onderschoida.
> Bi Dir sends Bildla, bei mir sends Simulationa oder ganze Filma, die wo i
> verarbeida dua.
> Der Dadaschbeicherbladsverbrauch isch scho sinnvoll ond hilfreich.
> Dr Ulli hadd aber wahrscheinlich den Schbeicherbladsverbrauch gmoind, der vom
> honderd mal d gleicha Funktion aber aus ra andra Bibliodeeg reikobiera moind.
>
> Dr Marco

Jo, scho.

Bloos isch es nadierlich so, dass dr Ulli nedd midd Klicki-Bunti schafft. Des 
brauchd nehmlich em Bedriebssyschdem ordentlich Resourca ond bei de Brogramm 
oft noh meh, wenn dia Herrschafta oigene Aasichda zom Thema 
Benutzerschnittschdell hend.

Ond s geit ao viele Funkziona en de heutige Betriebssyschdem, di edd a jeder 
brauchd. Aber se miassad hald inschdallierd sei, weil se ebber braucha kennd.

I han no no a Bedriebssyschdem, des verschiedene Prozessora onderschdiddzd, 
des nemmd ao Blatz ei. Ond d Brogramm kennad des nadierlich ao, nomol 
Exdrablatz.

Ond schliesslich geid es Schrifta ond so kleine 
Exdra-Hendergrond-Brogrämmla, mo s Leba oifacher mached - aber dia wellad ao 
Blatz....

Ond so weider...

aber jetzt isch gnuag, en sieba Schdond schaff i wieder - am Combjuder...