Re: Wo fangts Allgai a?

On 17. Apr 2023, Jürgen Dollinger wrote
(in article <[email protected]>):

> I woiss id ob ihr die Fernsehsendung "Die Rezeptsucherin"[1] kenned.
> Do muass die Susanne aewwl en ra Stadt noch Leit suache wo ebbes mit ra
> koched. Jetzt war se en Rot an der Rot. On no hoissts doch dass se
> Allgaier Krautkrapfe koche soll ond se sei em Allgai.
>
> I han mi jo scho vor oiniger Zeit gfrogt wieso s bei Wurzach hoisst es
> sei em Allgai. I han dann mol en Wurzacher gfrogt der hot gmoint es sei
> halt marketingmaessig besser, weil die wo vo weiter herkommet es Allgai
> besser kenned als es Oberschwaebische.
>
> Aber wieso es SWR Rot ens Allgai verlegt woiss i ned. Ond Krautkrapfe
> han i als Stuagerter Rezept en ma Kochbuach[2] gfonda.
>
> [1] https://www.swrfernsehen.de/die-rezeptsucherin/
> [2] Kochen wie in Schwaben Original schwaebische Familienrezepte

Des muasch ons no erklära: Wo isch d Grenz zwischa Oberschwäbisch ond 
Allgai?

Isch des d Autobah? Meine Freind en Leutkirch fahred oft noch Wurzach nom, 
vielleicht grad so oft wia noch Wanga.

Em Wikipedia schdohd sogar, dass Wurzach zwischa Oberschwaben ond Allgäu 
liegt - als weder-noch oder boides isch.

Ond en Kisslegg isch mr em West-Allgäu....

D Waldburg isch jo ao em Oberschwäbischa, aber d Leutkircher saget: „Onser 
Graf“.

I blick do grad nedd durch - aber i ben jo ao nedd kadolisch....