Re: Was fr an Njuhsserver soll i nemma?

On 18. Dec 2023, GMarco wrote
(in article<[email protected]>):

> Hallole,
>
> I be di ledschde baar Jaohr mit groups.google.com ganz guad emmer ens
> njuhsnedd neikomma. Am fuffzeada Februar im naeggschda jaohr schalded Guugle
> des ab.
>
> I han a baar ausbrobierd, ond di moischde welled Geld, ond drfier ka ma ganz
> schnell pornos lada. Meine Pornos grieg i woandersch her, deshalb mag i frs
> usenet eigendlich koi Geld ausgea.
>
> Keed mir oiner an Koschdalosa Server empfehla, der wo zumindeschd aeffle und
> pferdle ond di deidsche de.talk.... mid drauf had?
>
> Dr Marco

I bee scho lang bei Individual.de. Des koschded weniger als an Eiro em Monad. 
Isch jetzd nedd koschdalos, aber was nex koschdad daugd au nex. Noi, des isch 
nadierlich falsch, aber I be midd dem Service scho zfrieda.

Midd de Newsreader uff em Mac isch des a bissale anderschd. Thoth war dr 
ledschde klassische reader, aber der hodd nedd auf 64 bit ganga wella. Wohl 
oder iebel ben i nomol suacha ganga. Noch drei Fehlinveschdiziona an Zeit ben 
i bei Hogwasher glanded. Der dud reachd guad, oi mol inschdalliert ond 
seither koine Problem....