Re: Zwickel

Am 26.06.2024 um 20:27 schrieb Jürgen Dollinger:
> Maria Horlacher <[email protected]> wrote:
>> Ond vom Brotloib dr Aschnitt isch bei de Schwoba s'Renkele ond hod mit am
>> Zwiggl gar nix am Huat.
> 
> Fier den Aschnitt gibts so viele Werter do daets mi ned wondre wenn ma
> dees au oime als Zwiggl bezeichnet. I sag Riebele, dr Ralf (aus Calmbach
> em schwarze Wald, vielleicht erinnert sich ebber der war bei erschte
> Treffe en Oberdigisheim drbei) sagt Kneisle.
> 

Also I keed mir vorschdella, dass des Wort Zwiggel vom Abzwigga kommt.
So gsea a glois Schidggle von ebbes. Dann daeds Bassa zo ma kloina 
Schdiggle vom Brot (A halba Brodscheib zom Beischbiel) oder a gloid 
Schdiggle Schdoff, wie der Ginder schreibd.

Dann daed Zwiggel emmer blos em Zamahang mit dem, von wo es abzwiggd 
wird, was konkrederes Bedeida. An Zwiggel Brod ond an Zwiggel Schdoff 
waered dann boides Zwiggel, aber hald von verschiedene Denger.

Keed des so sei?


Dr Marco