Re: Groddafanger

Am 10.01.2026 um 23:36 schrieb Maria Horlacher:
> GMarco <[email protected]> wrote:
>> Hallole liebe Fachleid frs Schwaebische.
>>
>> Auf em Narraomzug wared "Otterswanger Groddafanger". A "Grodd" isch bei
>> oos an Popel aus der Naas. Andere hend gmoid, dass dees "Grodd"
>> vielleicht "Kroete" hoisa kennd. Gwies gwisst hadds koiner.
>>
>> Wois dohanna oiner mea?
>>
>> Dr Marco
> 
> Also, do muass I mi jetzt eimischa:
> A Grodd isch uf aelle Faell a Kroete.
> So weit hend mirs brocht weil ma viel zwenig schwaebisch schwaezt.
> 
> Grieassle vom Eile
> 
> 
> 

Hallole, Eile! I hoff Dir gads guad.

Ja, also dao wo i gloi war, des isch ja jedsd au scho fuffzg Jaerla her,
dao hat dr Nasapopl scho Grodd ghoisa. Isch ds schwaebische also scho
lenger emmer weniger worra?

Mir hend frier no am Dialegt gmerkt, aus welchem Dorf oiner kommt,
bei oos drhoim sogar, ober ausm Obra oder ondra Dorf kommt (trotz blos 
400 Eiwohner).

Ond ao wenn da no schwaebisch en dr Schual schwedsa duasch,
ischs drotdsem emmer verschwommaner worra, je onderschiedlichere
Dialegt sich midanand verschdanda hand solla.

dr Marco