Re: Formelnamn i LibreOffice 4.2

Den 08.12.2013 02:07, skreiv Thomas Nygreen:
> Er det så at der det berre står eit formelnamn i merknad-kolonna, er 
> dette det gamle namnet? Og er det berre dei nynorske omsettingane som 
> er i spel no, eller òg dei bokmålske?
Namna som står i kolonnane Engelsk, Nynorsk, Bokmål er dei namna som er 
i bruk nå i versjon 4.1 og/eller 4.2. Namna er henta frå po-filene, 
ikkje frå det bygde programmet, så det *kan* vere avvik frå det du ser 
når du køyrer LO. Det kan av og til gå noen veker mellom oppdateringane. 
Er namna ulike, vil namna brukte i po-filene kome med i neste oppdatering.
Det som står i Merknad var eigentleg tenkt til eige bruk, og er stort 
sett forslag til nemningar. Forslaga her er på nynorsk og må evt. 
omsetjast til bokmål.
>
> Eigentlg skjønar eg ikkje kvifor ACOS o.l. treng omsetting. Same med 
> BETA.INV. Det er forkorta på engelsk, så kvifor ikkje på norsk? Den 
> same forkortinga funkar like bra på norsk. Men som eg har vore inne på 
> i tidlegare diskusjonar, kan der vera lurt å følgje norsk Excel i 
> mange slike tilfelle. Eg vil tru at det er det vanlegaste 
> samanlikningsgrunnlaget for flesteparten av dei norske LO-brukarane. 
> Sjølv brukar eg nynorsk, bokmål og engelsk LO og norsk og engelsk 
> Excel om kvarandre, så eg ville likt om det òg var mindre skilnader 
> mot engelsk, men eg trur vi bør prioritera jamstilling av dei norske 
> versjonane.
M.o.t. forkortingane, er eg einig her. Eg er også tilhengar av korte 
namn, i det minste for ofte brukte funksjonar.
Ja, planen er å setje opp også oppdatert liste over funksjonsnamna også 
for Excel, men slikt tar tid. Kjem etter kvart.
Helsing
Kolbjørn Stuestøl
>
> Med venleg helsing
> Thomas Nygreen
>
>
> 2013/12/7 Kolbjørn Stuestøl <[email protected] 
> <mailto:[email protected]>>
>
>     I betautgåva av LibreOffice 4.2 er det gjort ein del forandringar
>     i formlane. Oversynet mitt på
>     http://www.stuestoel.no/office/LO-4.2.php bygger på beta 1.
>
>     Noen formlar har gått ut, andre er komne til. Ein del er rydding
>     for å gjera dei engelske formelnamna meir eins i oppbygging.
>
>     Ein del formlar har bokstavane P og S etter punktum (T.d.
>     COVARIANCE.P OG COVARIANCE.S). P står for population og S for
>     sample. Sidan desse er brukte også på norsk tidlegare, har eg også
>     brukt P og S i dei nye forslaga. Kan faktisk forsvarast dersom vi
>     omset population til populasjon og sample til stikkprøve.
>
>     For å forenkla bruken, burde vel tilleggsfunksjonane for ein
>     formel koma etter hovudordet. Nå er t.d. BETA.INV omsett til
>     INVERS.BETAFORDELING medan FINV er omset til FFORDELING.INVERS.
>     Det mest fornuftige ville vel vera å bruka BETAFORDELING.INVERS?
>     INV er forresten av og til omsett til INVERS og andre gonger til
>     INV. Kanskje litt konsekvens hadde vore på sin plass her også?
>
>     På nynorsk har eg endra DERSOM til VISS i alle formlane.
>
>     Overgangen frå 4.1 til 4.2 er ikkje så svært stor, men stor nok
>     til å diskutera funksjonsnamna?
>
>     Håper noen som har greie på dei ulike disiplinane innan
>     matematikken, og andre aktuelle fag, kan hjelpa til her.
>
>
>     Det meste av brukargrensesnittet (UI) for 4.2 er nå omsett til
>     nynorsk. Det som manglar er ord som eg ikkje er sikker på
>     samanhengen til. "Index" t.d. kan jo vera så mangt. Reknar med at
>     eg har bomma litt på noen omsetjingar. Det er ikkje så enkelt
>     sidan det ikkje er råd å sjå omsetjingane før ved neste utgåve.
>
>     Helsing
>     Kolbjørn Stuestøl
>
>     _______________________________________________
>     i18n-no mailing list
>     [email protected] <mailto:[email protected]>
>     https://lister.ping.uio.no/mailman/lister.ping.uio.no/listinfo/i18n-no
>
>