PRINTEMPE en Dahlem-Baasem/Eifel: 1-a ghis 5-a de aprilo - SOMERE 2010 en Jünkerath: 23-a de julio ghis 6-a de augusto.

Saluton!

Ekstere malvarmas, grizas au blankas - sed estas espero :)
Ankau chi-jare certe revenos printempo kaj somero - kaj
chi-jare eblos renkontighi PRINTEMPE kaj SOMERE kun
EsperantoLand, ambau en la regiono de Eifel, meze inter
Kolonjo kaj Trier. La informaj paghoj kun alighilo nun
enretas: http://www.esperantoland.org/printempe/ kaj
http://www.esperantoland.org/somere/ . (Ankau la retpagho
por la 9-a NR, denove en Saarbrücken, pretas,
http://www.esperantoland.org/nr/ ; cetere ankau NIS denove
okazos en Saarbrücken.)


PRINTEMPE estos renkontigho de eble dudeko au trideko da
partoprenantoj. Ghi okazos de jhaudo, la 1-a, vespere, ghis
lundo, 5-a de aprilo, posttagmeze. Nia renkontighejo estas
placha domo en Dahlem-Baasem, tute proksime de la beleta
Kronenburg, kiun konas jam multaj partoprenantoj de SOMERE.
La domo disponas pri propra naghejo, kie eblos senstrechighi
en agrable varma akvo. (Se vi preferas malpli varman akvon,
la lago de Kronenburg estas je dispono... :-) Ni trovighos
en bela pejzagho kaj povos promeni kaj ekskursi kaj certe
esperi je pasklepora vizito.

Mi pripensas oferti seminarion pri amaskomunikilaj rilatoj,
de trifoje unu kaj duona horo. Se tio vin interesas, bv.
informi min. Eble vi havas pliajn ideojn pri la programo: Ne
hezitu sendi ilin al mi.

Unua limdato por alighoj estas jhaudo, la 28-a de februaro,
do post nur kelkaj tagoj.


 Venu SOMERumi kun ni!

La informpagho kaj la alighilo por SOMERE troveblas en la
reto che http://www.esperantoland.org/somere/ . Mi
antaughojas revidi multajn el vi en Jünkerath; jam trifoje
ni tie pasigis agrablajn somerajn tagojn.

Ankau chi-foje ni havos chambrojn kun dushejoj. Chi-jare
denove la renkontigho dauros du semajnojn, de vendredo, 23-a
de julio, ghis vendredo, 6-a de augusto 2010.

La programo baze estos kiel kutime, do SOMERE ghui :-)
Babilado, konversacio, kursoj, kafumado kaj teumado,
ekskursoj, prelegoj ks. Kelkajn pasintjarajn ofertojn vi
trovas che
http://esperantoland.org/somere/index.shtml#programo por
havi unuan ideon.

Tranoktado kaj manghado okazos pli malpli kiel kutime: Chu
en la domo au en tendo, chu komunaj manghoj au memzorge...

Mi tre afable invitas vin rigardi la retpaghojn kaj alighi
en ne tro fora estonteco (unua limdato estas la 14-a de
marto).

  NR kaj NIS denove en Saarbrücken

La 9-a NR kaj la 2-a NIS okazos denove en Saarbrücken, de
lundo, 27-a de decembro 2010, ghis lundo, 3-a de januaro
2011. Pretas la retpagho por NR che
http://www.esperantoland.org/nr/

Chion bonan al vi kaj chiukaze belan printempon kaj someron,
chu PRINTEMPE, SOMERE au ne

Lu

--

Lu Wunsch-Rolshoven
EsperantoLand

--

Ein Schritt aufeinander zu
http://www.EsperantoLand.org
Por la kreskigo de Esperantujo

1-a PRINTEMPE, 1-a - 5-a de apr. 2010, 
Dahlem-Baasem en Eifel-montaro
http://www.esperantoland.org/printempe/

8-a SOMERE, 23-a de julio - 6-a de augusto 2010
en Jünkerath/Eifel
http://www.esperantoland.org/somere/

9-a Novjara Renkontigho (NR), 27a de dec. 2010 - 3a de jan. 2011
en Saarbrücken
http://www.esperantoland.org/nr/

2-a Novjara Internacia Semajno (NIS)
por junuloj kaj junaj plenkreskuloj (ch. 14 - 30jaraj)
27-a de dec. 2010 - 3-a de jan. 2011
en Saarbrücken
http://www.esperantoland.org/nis/

Mapoj pri Esperanto-grupoj, pri renkontighoj, pri kursoj
Libroj, muziko, forumo ...



------------------------------------