Internacia Kongreso en Strasburgo (augusto 2010): Jam nau programeroj

(Antaudankon, se vi plusendas al aliaj retlistoj!)

    Internacia Kongreso en Strasburgo (augusto 2010):
    Jam nau programeroj anoncitaj

Ghis nun kolektighis jam nau prelegoj, seminarioj kaj aliaj prezentoj
por la 1-a Internacia Kongreso en Strasburgo, kiu okazos de la 6-a ghis
la 13-a de augusto 2010 (vendredo ghis vendredo). Superrigardo pri la
programo videblas che
http://www.esperantoland.org/internacia_kongreso/#programo .

Aktuale preparighas la vizitoj de la bela urbo Strasburgo kaj la
ekskursoj al ghia chirkauajho.

La kongreso celas unuflanke proponi altnivelan prelegan kaj seminarian
programon pri Esperanto-agado kaj ankau pri la cetera mondo. Aliflanke
ghi estu internacia renkontigho de Esperanto-parolantoj kun kulturaj
ofertoj, promenoj, ekskursoj kaj - tute certe - multa persona interparolado.

     Alighintoj el kvin landoj

La kongreso rapide atingis internacian partoprenantaron: La ghisnunaj
alighoj venas el Nederlando, Belgio, Germanio, Italio kaj Usono. Ankau
homoj el aliaj landoj montris jam intereson. La nomoj de kelkaj unuaj
alighintoj legeblas sur
http://www.esperantoland.org/internacia_kongreso/partoprenantoj_ik1.php .

    Internaciaj ferioj en EsperantoLando

Organizanto de la 1-a Internacia Kongreso estas la asocio EsperantoLand,
kiu dum la pasinta jardeko survojigis la renkontighojn SOMERE kaj
Novjara Renkontigho (NR). Entute la asocio organizis jam pli ol dudek
semajnojn de Esperanto-renkontighoj. Lastatempe aldonighis la Novjara
Internacia Semajno (NIS) kaj PRINTEMPE.

Se vi shatas belan antaukongresan renkontighon, eble konsideru
partopreni en la Somera Mezeuropa Renkontigho (SOMERE), kiu okazos de la
23-a de julio ghis la 6-a de augusto en JÃŒnkerath en la regiono Eifel,
sude de Kolonjo. Atendos vin dolcha somera nenionfarado en la kamparo
kun iom da prelegoj, promenoj, ekskursoj k.s. Detaloj che
http://www.esperantoland.org/somere .

    Limdato de alighperiodo

La nuna alighperiodo por la Internacia Kongreso finighos en la 10-a de
junio.

Plezuran printempon - kaj eble ghis revido dum SOMERE, Internacia
Kongreso au en alia renkontigho de EsperantoLand

Lu Wunsch-Rolshoven

-- 

EsperantoLand
Internaciaj ferioj

SOMERE
Internacia Kongreso (IK)
Novjara Renkontigho (NR)
Novjara Internacia Semajno (NIS)
PRINTEMPE

http://www.esperantoland.org



------------------------------------