3-a Novjara Internacia Semajno (NIS) en B itburg (apud Trier) (kaj 10-a Novjara Renkontiĝ o)

Saluton!

Unuflanke mi deziras atentigi vin, ke estos fino de aliĝperiodo de la

10-a Novjara Renkontiĝo (NR),

post kelkaj tagoj, en ĵaŭdo. Do, se vi ŝatos veni jarfine al NR en 
Bitburg apud Trier (kaj vi ne jam aliĝis kiel intertempe 137 homoj, vidu sur
http://www.esperantoland.org/nr/partoprenantoj_nr10.php ,) jen bona 
momento... Informoj kaj aliĝilo sur http://www.esperantoland.org/nr

Aliflanke EsperantoLand denove ofertas Novjaran Internacian Semajnon 
(NIS), por junuloj kaj junaj plenkreskuloj. Eble vi mem aŭ familiano aŭ 
konato estas en tiu aĝgrupo, inter ĉ. 14 kaj 35 jaroj, kaj ŝatos 
partopreni. La jamajn aliĝintojn vi povas vidi sur
http://www.esperantoland.org/nis/partoprenantoj_nis3.php
Sube mi aldonas rondleteron pri NIS. Kompreneble mi ĝojos, se vi 
plusendos al eblaj interesitoj.

Amike

Lu

--

Lu Wunsch-Rolshoven
EsperantoLand

--

Saluton!

Ĉi-jarfine okazos la tria "Novjara Internacia Semajno" (NIS) por junuloj 
kaj junaj plenkreskuloj, de la 27-a de decembro 2011 ĝis la 3-a de 
januaro 2012. Ĉi-foje la renkontiĝo estos en Bitburg, 30 km norde de 
Trier, Germanio, do proksime al Francio, Luksemburgio, Belgio kaj 
Nederlando. http://www.esperantoland.org/nis

NIS - por junuloj kaj junaj plenkreskuloj

NIS estas la programo kaj kunveno de junuloj kaj junaj plenkreskuloj, 
paralele al la Novjara Renkontiĝo (NR) de EsperantoLand. Novjara 
Renkontiĝo ĉi-foje okazos la dekan fojon; ĝi kunigas plejparte 
mezaĝulojn - multaj, sed ne ĉiuj, kun infanoj. Entute en NR kaj NIS dum 
la pasintaj fojoj kunvenis ĉ. 190 homoj, el kiuj trideko estis en la 
NIS-aĝo inter 14 kaj 35 jaroj.

Ĝis nun aliĝis jam 137 homoj al NR/NIS, el kiuj dudeko en NIS-aĝo inter 
14 kaj 35 jaroj. Eble ĵetu rigardon al 
http://www.esperantoland.org/nis/partoprenantoj_nis3.php por vidi 
kelkajn nomojn. Eble vi ja konas iujn...

Unu etaĝo por NIS-anoj

Por ebligi al la NIS-partoprenantaro havi iom apartan vivon de la resto 
de NR ni antaŭvidas rezervi la unuan etaĝon de la domo por junuloj; tie 
estas ankaŭ kinejo, kie ni planas oferti kelkajn filmojn, kaj plia 
kunvenejo. Ĉu vi eble ne certas pri la ĉeesto de infanoj kaj 
plenkreskuloj? Nu, demandu al iuj el la pasintjaraj partoprenintoj, 
http://www.esperantoland.org/nis/partoprenantoj_nis2.php . Ŝajne ili 
sukcesis trovi siajn apartajn kunvenejojn por amuziĝi tie...

Favoraj prezoj

NIS ofertas favorajn prezojn al vi. Se vi deziras ĉeesti ekzemple nur 5 
tagojn, en tri- ĝis kvarpersona ĉambro (duŝo komuna kun la najbara 
ĉambro), la aktuala kotizo por junuloj inter 18 kaj 27 jaroj estas 153 
eŭroj inkluzive de manĝoj kaj programo. (Por kvin tagoj kalkuliĝas nur 
74 % de la septaga kotizo, 207 eŭroj.) Ĝis 17 jaroj la tutsemajna 
(septaga) kotizo estas 185 eŭroj, la aktuala tutsemajna kotizo ekde 28 
jaroj estas 242 eŭroj.

Eksterlandanoj (ekster Germanio loĝantoj) ĝuas rabaton de 2 eŭroj tage, 
14 eŭroj por la tuta semajno.

Aliĝu prefere ĝis ĵaŭdo, 20-a de oktobro!

Fino de la aktuala aliĝperiodo estas ĵaŭdo la 20-a de oktobro - do ne 
tro prokrastu vian aliĝon... :-) http://www.esperantoland.org/nis Ni 
antaŭĝojas revidi vin aŭ konatiĝi kun vi.

Ĉu vi havas demandojn? Volonte metu al ni!

Ĉion bonan al vi kaj ĝuu belan aŭtunon

Lu

-- 
Lu Wunsch-Rolshoven

EsperantoLand
Internaciaj ferioj

Novjara Renkontigho (NR)
Novjara Internacia Semajno (NIS)
PRINTEMPE
Internacia Kongreso (IK)
SOMERE

http://www.esperantoland.org



------------------------------------