Datumbazo de varb-materialoj
| Newsgroups | gmane.culture.language.esperanto.britain |
|---|---|
| Message-ID | <[email protected]> |
La estrarano pri Informado*Emilio Cid* havas regulajn ĉiusemajnajn kunsidojn kun la la Ĝenerala Direktoro*Veronika Poor* kaj laŭ ŝia instigo UEA decidis krei datumbazon de diversspecaj inform- kaj varb-materialoj. La ideo pri tiu datumbazo estis unu el la rekomendoj el la Komitataj Forumoj pri Agado en Nitro. http://uea.org/l/teko/komitataj/rekomendoj_el_la_Forumoj.pdf <http://uea.org/l/teko/komitataj/rekomendoj_el_la_Forumoj.pdf> Teamo kun ĉi tiu estrarano, la Ĝenerala Direktoro, la Ĝenerala Sekretario de TEJO *Hoan Tran *(Ĝojo) kaj volontulino en la CO *Niccoleta Enache* jam faris kelkajn skajp-kunsidojn por agordi la datumbazon. Ni nun konktatas la verkintojn de tiuj varbiloj por peti permeson por re-uzo de tiuj materialoj. Tiu datumbazo estos tre utila por la inform-agado tutmonde, ĉar oni havos tie tre bonajn ideojn por tuja utiligado, aŭ ideojn kiel fonton de inspiro. Tiu datumbazo estas nia unua paŝo survoje al la kreado de modernaj afiŝoj en diversaj lingvoj pri Esperanto kaj por anonci kurson aŭ retkurson. En tiu kontakto ni ankaŭ invitas la kreintojn de la varbiloj al la grupo Tutmonda Inform-Reto (TIR) de UEA, kiu celas kunigi la ĉefajn aktivulojn pri informado ĉiulande kaj estas ero el la Strategia Laborplano de UEA 2013-2017. https://uea.org/strategio/konsciigo <https://uea.org/strategio/konsciigo> Ankaŭ *Li Lu *(Lucia), redakciano de Ĉina Radio Internacia, volontulas de septembro ĝis decembro en la CO, helpante pri diversaj taskoj rilate al informado kaj speciale por la starigo de ĉi tiu nova reto da informantoj. En ĉi tiu nova grupo oni povos kundividi spertojn pri informado kaj rezultojn atingitajn per diverstipaj varbiloj. Ĉiu membro de UEA rajtas aliĝi al ĉi tiu grupo sendante malplenan mesaĝon al [email protected] <mailto:[email protected]>. dankon Emilio Cid Estrarano pri Informado