Deklaratë nga Joe DioGuardi, ish-kongresist

 
Deklaratë nga Joe  DioGuardi, ish-kongresist 








Inagurimi i Katedrales se Nënës Terezë në  Kosovë 
5 Shtator 2010 







 
Në Maj 2005, Liga Qytetare Shqiptaro-Amerikane kishte  ftuar tani më të 
ndjerin Ipeshkvin Mark Sopi dhe At Lush Gjergjin për të  dëshmuar para 
Komitetit për Marrëdhënie Ndërkombëtare të Kongresit në Washington  në lidhje me 
tolerancën fetare të popullit shqiptar si mënyra më e mirë për të  bindur 
Kongresin Amerikan dhe Presidentin George Bush për të njohur pavarësinë e  
Kosovës.  Gjerësa ishim në  Washington, ne po ashtu patëm një  takim të 
shkëlqyeshëm me Kardinalin Theodore McCarrick, i cili më vonë ishte  edhe njëri nga 
ligjëruesit kryesor në ceremoninë e vënjes së gurëthemelit të  Katedralës së 
Nënës Terezë në Prishtinë. Më pastaj kisha aranzhuar një takim  privat në mes 
të Ipeshkvit Sopi dhe At Gjergjit me Kardinalin Edward Egan në  rezidencën 
e tij në Katedralën e Shën Patrikut në New York  City.  Ipeshkvi Sopi i 
kishte treguar Kardinalit për vizionin e ndërtimit të një  katedraleje në emër 
të së Bekuarës Nënës Terezë në Prishtinë, dhe Kardinali  ishte përgjigjur me 
një donacion prej $5,000 për të ndihmuar këtë projekt në  fazën e tij 
fillestare.  
Pasi Ipeshkvi Sopi u nda nga jeta, Ipeshkvi Dodë Gjergji  zyrtarisht 
inicioi fushatën fondmbledhëse për ndërtimin e katedrales. Në vitin  2008, një 
komitet i shqiptaro-amerikanëve të besimit krishterë e muslimanë  organizuan 
një takim fondmbledhës, nën përkujdesjen e Kishës Katolike të Zojës  Sonë të 
Shkodrës në New York, për të mbedhur të paktën një milion dollarë për  këtë 
katedrale.  Unë isha kryetar i  darkës së parë fondmbledhëse të Qershorit 
2008 gjatë së cilës komuniteti  shqiptaro-amerikan dhuroi mëse $600,000. Sot, 
për gjerësa katedralja po  përfundon së ndërtuari, komuniteti 
shqiptaro-amerikan i rrethit metropolitan të  New York-ut ka dhuruar mëse 1 milion dollarë. 
 
Më vije keq që nuk mund të jem prezent me Ipeshkvin  Gjergji, Dom Lush 
Gjergjin, delegacionin shqiptaro-amerikan, dhe popullin e  Kosovës në këtë ditë 
historike të inagurimit të katedralës dhe 100 vjetorit të  lindjes së të 
Bekuarës Nënës Terezë. Sic e dijnë shumica nga ju, unë jam duke  bërë fushatë 
në Shtetin e New York-ut për t’u bërë Senator i SHBA-ve, dhe kështu  më duhet 
të fitojë garën primare brenda Partisë Republikane më 14 Shtator në  mënyrë 
që të kem mundësi të mundë kundërkandidatën demokrate në zgjedhjet  
senatoriale në Nëntor.  Ka një sër  debatesh shumë të rëndësishme që do të ndodhin 
në fillim të Shtatorit dhe  mungesa ime në këto debate do të ndikonte shumë 
negativisht në mundësinë e  shkëlqyeshme për fitore më 14 Shtator.  
Puna që unë si kongresist kisha filluar me kongresistin  Tom Lantos mëse 
njëzet e pesë vite më parë dhe mandej me gruan time, Shirley  Cloyes, mëse 
pesëmbëdhjetë vite me parë për kauzën kombëtare shqiptare ende nuk  ka 
përfunduar.  Falë Zotit (dhe të  Bekuarës Nënës Tereze) ne tani kemi shtetin e 
pavarur të Kosovës, edhepse atij i  duhen edhe njohje të tjera dhe stabilitet 
ekonomik.  
Si Senator i SHBA-ve, unë do t’i dedikohem, në mesim e  shumë cështjeve 
tjera me rendësi për New York-un dhe Amerikën, përfundimit të  punës sonë të 
nisur në Washington më 1985 për t’u siguruar se të gjithë  shqiptarët në 
Ballkan janë të respektuar si një komb i madh dhe me histori të  tolerances që 
gjithëherë diti të respektojë të tjerët—jo vetëm në Shqipëri e  Kosovë, por 
edhe në Maqedoni, Mal të Zi, Luginë të Preshevës, dhe Greqi. Me  Shenjtërimin 
në pritje të së Bekuarës Nënës Tereze ne do të kemi edhe një  përkrahës të 
madh në qiell për kauzën tonë kombëtare. Si Senator i SHBA-ve në  Washington, 
DC (dhe si një katolik), unë do t’i lutem asaj për t’na u  bashkangjitur 
në punën tonë për Amerikën dhe për përfundimin e punës që ka  filluar Gjergj 
Kastrioti më 1440 për clirimin e të gjithë shqiptarëve ngado që  janë nga 
opresioni i cilitdo komb tjetër.  
Mezi pres të kthehem në Kosovë së shpejti për të parë  Katedralën e Nënës 
Tereze—me shpresë këtë Nëntor si Senator i SHBA-ve. Zoti e  bekoftë këtë 
Katedrale dhe popullin shqiptar.