Tome Mrijaj: “LIDHJA KOSOVARE” e Prof. Dr. Riza Sadikut
(http://kosova.albemigrant.com/wp-content/uploads/2010/11/Lidhja-Kosovare-Picture.jpg) Nje veper e munguar ne historiografine shqiptare te luftes per
liri dhe pavaresi
Per brezat e rinj shqiptare, e ne veçanti te atyre kosovare, kjo veper e
Prof. Dr. Riza Sadikut do te mbetet si nje zbulim i pa njohur ne
historiografine shqiptare i nje aktiviteti 50-vjeçar, te zhvilluar ne mergim nga
organizata patriotike Lidhja Kosovare, e cila ishte krijuar me amanetin dhe
porosine e gjeniut te kombit Mit’hat Frasherit (Lumo Skendo), si nje dege e
organizates politike kunderkomuniste gjithekombetare, me emrin kuptimplote: “
Balli Kombetar”.
Mendoj, se pikerisht ketu qendron merita e autorit dhe vlera e madhe e
vepres studimore voluminoze, e punuar me nje kujdes dhe perkushtim
shumevjeçar dhe e pershkuar nga fillimi e deri ne fund nga nje ndjenje pergjegjesie
serioze te larte morale dhe patriotike, per te thene gjithçka te vertete dhe
vetem te verteten te bazuara ne fakte dhe dokumente autentike historike.
Kesisoj mjafton t’i referohemi burimeve dhe literatures se pasur te
shfrytezuar me imtesi nga autori, ku deshmohet sasia e madhe e materialeve te
vjelura, qe jane ofruar ne vepren e mirefillte historike, si: dokumente,
raporte, proklamata, kujtime, thirrje etj., per te nderkombetarizuar çeshtjen
shqiptare ne pergjithesi dhe ate kosovare ne veçanti.
Permes nje metode faktografike dhe krahasuese ne kohe dhe hapesire
historike, jane shfrytezuar gjithashtu me dhjetra artikuj te gazetave, qe
botoheshin jashte atdheut, gjate periudhes se regjimit komunist, si ne: Itali,
Australi, France, ShBA, Turqi, etj., dhe me dhjetra libra, studime, broshura,
simpiziume ose perkujtimore te figurave te shquarate te nacioanlizmit
shqiptar ne emigracion, shkruar nga autore te ndryshem per te njejten teme.
E gjithe kjo pune e madhe hulumtuese voluminoze, eshte bere me qellimin e
forte patriotik te autorit Prof. Sadiku, per te nxjerre ne drite historine
e lavdishme te Lidhjes Kosovare (1949-1999), duke sensibilizuar kesisoj
mbare opinionin publik nderkombetar per çeshtjen shqiptare dhe ate kosovare ne
veçanti, nen rregjimin shovinist serbosllav ne ish Jugosllavi.
Nese do ta shohim ne esencen e vet te gjithe aktivitetin e pasur patriotik
te organizates thellesisht patriotike Lidhja Kosovare, del se ajo eshte
nje nder antaret me te vjeter te “Bashkimit Federal te Grupeve Etnike
Europiane” dhe pjesemarrese active pothuajse ne te gjitha kongreset e saj, qe nga
19-20 Nentori i vitit 1949, qe u mbajt asokohe ne Versaje te Frances e
deri ne Kongresin e Nacionaliteteve Europiane, mbajtur ne Budapest, me 9 Maj
1991.
Ne historine e organizates ne fjale, sot me krenari shohim se Lidhja
Kosovare ka marre pjese ne 41 kongrese, sikurse deshmojne edhe burimet autentike
arkivore historike te nxjerra sot ne drite nga autori.
Kane qene keto aktivite te gjithanshme te organizates nacionaliste Lidhja
Kosovare, te zhvilluara panderprerje per 50 vjet me radhe, qe na japin
krenarine e te qenurit vijues te tokes se Arberit dhe Dardanise martire.
Te tille mund te permendim organizimin e mitingjeve te shpeshta,
protestave e demostratave me simbole te mirefillta kombetare me tematika thellesisht
patriotike para selise se OKB-es ne New York, para Shtepise se Bardhe ne
Washington, ne Chicago, Detroit, ne qytete e shtete te ndryshme, deri ne
Australine e larget, me mbledhjen e ndihmave materiale dhe financiare per
UÇK-ne e plot te tjera; qe u bene kesisoj nje kontribut i madh ne lufte per
fitoren vendimtare te Lirise dhe Pavaresise se Kosoves.
Mbledhja dhe dhenia e gjithe informacionit kaq te pasur, te shoqeruar edhe
me mese 100 fotografi origjinale dhe te pabotuara ndonjehere per
aktivitetin e organizates Lidhja Kosovare, nuk ka qene aspak nje pune e lehte per
Prof. Dr. Riza Sadikun, sepse autorit i eshte dashur te hulumtoje me kujdes
ne shume biblikoteka dhe arshiva private dhe shteterore ne vende te
ndryshme; me shume organe shtypi te botuara gjithashtu ne vende dhe periudha te
ndryshme kohore; te kontaktoje me shume protogoniste veprimtare dhe drejtues
te organizatave per te mbledhur deshmi dhe fakte reale.
Historia e organizates Lidhja Kosovare, ka qene nje teme sa patriotike aq
edhe e veshtire per t’u mbrojtur si teze diplome, per vete aktivitetin e
dendur te nje periudhe te gjate 50-vjeçare te organizates ne fjale, jo vetem
ne favor te çeshtjes kosovare por gjitheshqiptare; qe kerkonte studime,
hulumtime, ballafaqime, analiza, deshmi dhe prova te pakundershtueshme.
Por Prof. Dr. Riza Sadiku, me kembenguljen, pasionin dhe vullnetin e tij
te admirueshem, ia doli me sukses te plote ne krye kesaj pune, duke na dhene
nje veper, qe do te zere nje vend nderi ne fondin e arte te
historiografise shqiptare.
Te gjitha keto kane patur nje kosto te konsiderueshme financiare, te cilen
e ka mbuluar nga xhepi i tij personal dhe nje grup miqesh dhe dashamiresh
te kesaj organizate. Kjo nuk ka qene nje sacrifice e vogel, por perkundrazi
mjaft e madhe dhe e veshtire per t’u perballuar.
Para shume viteve e takova Prof. Dr. Riza Sadikun, ne aeroportin J.F.K. ne
New York. Une po percjellja nje mik, qe kishte ardhur per vizite ne SHBA.
Sapo mberrita midis shume njerezve, qe po leviznin ne drejtime te
ndryshme, me ra ne sy nje pasagjer me nje numer te madh valixhesh. Ne moment iu
drejtova mikut tim me fjalet: “Sa familjare i mire qenka ky udhetar me gjithe
keto valixhe qe ia sjell familjes se tij?”
Miku qe e njihte pasagjerin e panjohur per mua, mbas nje buzeqeshje shtoi:
“Udhetari eshte shqiptar. Valixhet qe ju shihni nuk kane asgje personale.
Ato jane te mbushura me materiale dokumente, te cilat i ka mbledhur me
shume veshtiresi ne shtete te ndryshme te Amerikes per Muzeun Historik te
Kosoves. Personi qe i mban ato per t’i kthyer ne vendlindje quhet studiuesi dhe
punetori i palodhur i Muzeut te Kosoves Prof. Dr. Riza Sadiku.”
Me pas iu afruam Profesor Sadikut, u pershendetem dhe nga ajo dite mbetem
miq te mire. Ai ka bere edhe udhetime te tjera ne Amerike dhe gjithnje
eshte kthyer i mbushur me materiale historike arkivore te dhuruar nga
komuniteti shqiptaro-amerikane.
Duke e pare me nje admirim dhe respekt te veçante Prof. Sadikun, thashe me
veten time: te kishte shume njerez te tille Kosova e Re, do te radhitej
shume shpejt me shtetet e perparuar me muzete e tyre te pasura, qe jane
pasaporta identiteti per çdo komb.
Ne viziten e fundit ne New York, Profesori i nderuar Riza Sadiku me
dhuroi me autograf librin historik voluminoz prej 456 faqe, kushtuar organizates
nacionaliste, me titull: “Lidhja Kosovare 1949-1999”, botuar ne Prishtine
ne vitin 2006.
Kete vit Profesori ishte mik ne New York, prane arkives se Lidhjes se
Trete te Prizrenit (1962-2010) ne mergim, ku Kryetari Ismet Berisha dhe une si
Sekretar i Pergjithshem, i ofruam me bujari dokumente dhe burime historike
autentike qe i interesonin Muzeut Historik te Kosoves.
Me Profesor Sadikun, jemi pjesemarres ne nente simpoziume te se Djathtes
Shqiptare ne Mbrotje te Shqiperise Etnike si dhe ne stafin e redaksise se
botimeve te pervitshme (qe po behen mbas tubimeve historiko-shkencore), per
shume figura te shquara te nacionalizmit shqiptar ne trojet etnike.
E ne menyre te veçante, duhet thene se penda dhe mendja e begate e
Profesor Riza Sadikut, gjithnje ka levruar figurat e harruara te nacionalizmit
shqiptar, te cilat kane qene lene ne pluhurin e harreses per 50 vjet te
rregjimit komunist ne Shqiperi dhe trojet shqiptare nen ish Jugosllavi.
Ai edhe sot vijon te punoi me plot energji pa u lodhur ne veprimtarine
patriotike te mergates shqiptare neper bote.
Dhe eshte pikerisht per kete qe meriton Mirenjohjen e te gjithe
bashkatdhetareve dhe urimet me te mira, per nje jete te gjate dhe te suksesshme ne
dobi te çeshtjes kombetare!
Nga Tome Mrijaj, New York
Tomë Mrijaj: “LIDHJA KOSOVARE” e Prof. Dr. Riza Sadikut
(http://kosova.albemigrant.com/wp-content/uploads/2010/11/Lidhja-Kosovare-Picture.jpg) Një vepër e munguar në historiografinë shqiptare të luftës për
liri dhe pavarësi
Për brezat e rinj shqiptarë, e në veçanti të atyre kosovarë, kjo vepër e
Prof. Dr. Riza Sadikut do të mbetet si një zbulim i pa njohur në
historiografinë shqiptare i një aktiviteti 50-vjeçar, të zhvilluar në mërgim nga
organizata patriotike Lidhja Kosovare, e cila ishte krijuar me amanetin dhe
porosinë e gjeniut të kombit Mit’hat Frashërit (Lumo Skendo), si një degë e
organizatës politike kundërkomuniste gjithëkombëtare, me emrin kuptimplotë: “
Balli Kombëtar”.
Mendoj, se pikërisht këtu qëndron merita e autorit dhe vlera e madhe e
veprës studimore voluminoze, e punuar me një kujdes dhe përkushtim shumëvjeçar
dhe e pershkuar nga fillimi e deri në fund nga një ndjenjë përgjegjësie
serioze të lartë morale dhe patriotike, për të thënë gjithçka të vërtetë dhe
vetëm të vërtetën të bazuara në fakte dhe dokumente autentike historike.
Kësisoj mjafton t’i referohemi burimeve dhe literatures së pasur të
shfrytëzuar me imtësi nga autori, ku dëshmohet sasia e madhe e materialeve të
vjelura, që janë ofruar në veprën e mirëfilltë historike, si: dokumente,
raporte, proklamata, kujtime, thirrje etj., për të ndërkombëtarizuar çeshtjen
shqiptare në përgjithësi dhe ate kosovare në veçanti.
Përmes një metode faktografike dhe krahasuese në kohë dhe hapësirë
historike, janë shfrytëzuar gjithashtu me dhjetra artikuj të gazetave, që
botoheshin jashtë atdheut, gjatë periudhës së regjimit komunist, si në: Itali,
Australi, Francë, ShBA, Turqi, etj., dhe me dhjetra libra, studime, broshura,
simpiziume ose përkujtimore të figurave të shquaratë të nacioanlizmit
shqiptar në emigracion, shkruar nga autorë të ndryshëm për të njejtën temë.
E gjithë kjo punë e madhe hulumtuese voluminoze, është bërë me qëllimin e
fortë patriotik të autorit Prof. Sadiku, për të nxjerrë në dritë historinë
e lavdishme të Lidhjes Kosovare (1949-1999), duke sensibilizuar kësisoj
mbarë opinionin publik ndërkombëtar për çeshtjen shqiptare dhe atë kosovare në
veçanti, nën rregjimin shovinist serbosllav në ish Jugosllavi.
Nëse do ta shohim në esencën e vet të gjithë aktivitetin e pasur patriotik
të organizatës thellësisht patriotike Lidhja Kosovare, del se ajo është
një ndër antarët më të vjetër të “Bashkimit Federal të Grupeve Etnike
Europiane” dhe pjesëmarrëse active pothuajse në të gjitha kongreset e saj, që nga
19-20 Nëntori i vitit 1949, që u mbajt asokohe në Versajë të Francës e deri
në Kongresin e Nacionaliteteve Europiane, mbajtur në Budapest, më 9 Maj
1991.
Në historinë e organizatës në fjalë, sot me krenari shohim se Lidhja
Kosovare ka marrë pjesë në 41 kongrese, sikurse dëshmojnë edhe burimet autentike
arkivore historike të nxjerra sot në dritë nga autori.
Kanë qenë këto aktivite të gjithanshme të organizatës nacionaliste Lidhja
Kosovare, të zhvilluara pandërprerje për 50 vjet me radhë, që na japin
krenarinë e të qenurit vijues të tokës së Arbërit dhe Dardanisë martire.
Të tillë mund të përmendim organizimin e mitingjeve të shpeshta,
protestave e demostratave me simbole të mirëfillta kombëtare me tematika thellësisht
patriotike para selisë së OKB-ës në New York, para Shtëpisë së Bardhë në
Washington, në Chicago, Detroit, në qytete e shtete të ndryshme, deri në
Australinë e largët, me mbledhjen e ndihmave materiale dhe financiare për
UÇK-në e plot të tjera; që u bënë kësisoj një kontribut i madh në luftë për
fitoren vendimtare të Lirisë dhe Pavarësisë së Kosovës.
Mbledhja dhe dhënia e gjithë informacionit kaq të pasur, të shoqëruar edhe
me mëse 100 fotografi origjinale dhe të pabotuara ndonjëherë për
aktivitetin e organizatës Lidhja Kosovare, nuk ka qenë aspak një punë e lehtë për
Prof. Dr. Riza Sadikun, sepse autorit i është dashur të hulumtojë me kujdes
në shumë biblikoteka dhe arshiva private dhe shtetërore në vende të
ndryshme; me shumë organe shtypi të botuara gjithashtu në vende dhe periudha të
ndryshme kohore; të kontaktojë me shumë protogonistë veprimtarë dhe drejtues
të organizatave për të mbledhur dëshmi dhe fakte reale.
Historia e organizatës Lidhja Kosovare, ka qenë një temë sa patriotike aq
edhe e vështirë për t’u mbrojtur si tezë diplome, për vetë aktivitetin e
dendur të një periudhe të gjatë 50-vjeçare të organizates në fjalë, jo vetëm
në favor të çështjes kosovare por gjithëshqiptare; që kërkonte studime,
hulumtime, ballafaqime, analiza, dëshmi dhe prova të pakundërshtueshme.
Por Prof. Dr. Riza Sadiku, me këmbënguljen, pasionin dhe vullnetin e tij
të admirueshëm, ia doli me sukses të plotë në krye kësaj pune, duke na dhënë
një vepër, që do të zërë një vend nderi në fondin e artë të
historiografisë shqiptare.
Të gjitha këto kanë patur një kosto të konsiderueshme financiare, të cilën
e ka mbuluar nga xhepi i tij personal dhe një grup miqësh dhe dashamirësh
të kësaj organizate. Kjo nuk ka qenë një sacrificë e vogël, por përkundrazi
mjaft e madhe dhe e vështirë për t’u përballuar.
Para shumë viteve e takova Prof. Dr. Riza Sadikun, në aeroportin J.F.K. në
New York. Unë po përcjellja një mik, që kishte ardhur për vizitë në SHBA.
Sapo mbërrita midis shumë njërëzve, që po lëviznin në drejtime të
ndryshme, më ra në sy një pasagjer me një numër të madh valixhesh. Në moment iu
drejtova mikut tim me fjalët: “Sa familjarë i mirë qënka ky udhëtar me gjithë
këto valixhe që ia sjell familjes së tij?”
Miku që e njihte pasagjerin e panjohur për mua, mbas një buzëqeshje shtoi:
“Udhëtari është shqiptar. Valixhet që ju shihni nuk kanë asgjë personale.
Ato janë të mbushura me materiale dokumente, të cilat i ka mbledhur me
shumë vështirësi në shtete të ndryshme të Amerikës për Muzeun Historik të
Kosovës. Personi që i mban ato për t’i kthyer në vendlindje quhet studiuesi dhe
punëtori i palodhur i Muzeut të Kosovës Prof. Dr. Riza Sadiku.”
Më pas iu afruam Professor Sadikut, u përshëndetëm dhe nga ajo ditë mbetëm
miq të mirë. Ai ka bërë edhe udhëtime të tjera në Amerikë dhe gjithnjë
është kthyer i mbushur me materiale historike arkivore të dhuruar nga
komuniteti shqiptaro-amerikanë.
Duke e parë me një admirim dhe respekt të veçantë Prof. Sadikun, thashë me
veten time: të kishte shumë njerëz të tillë Kosova e Re, do të radhitej
shumë shpejt me shtetet e përparuar me muzetë e tyre të pasura, që janë
pasaporta identiteti për çdo komb.
Në vizitën e fundit në New York, Profesori i nderuar Riza Sadiku më dhuroi
me autograf librin historik voluminoz prej 456 faqe, kushtuar organizatës
nacionaliste, me titull: “Lidhja Kosovare 1949-1999”, botuar në Prishtinë
në vitin 2006.
Këtë vit Profesori ishte mik në New York, pranë arkivës së Lidhjes së
Tretë të Prizrenit (1962-2010) në mërgim, ku Kryetari Ismet Berisha dhe unë si
Sekretar i Përgjithshëm, i ofruam me bujari dokumente dhe burime historike
autentike që i interesonin Muzeut Historik të Kosovës.
Me Professor Sadikun, jemi pjesëmarrës në nëntë simpoziume të së Djathtës
Shqiptare në Mbrotje të Shqipërisë Etnike si dhe në stafin e redaksisë së
botimeve të përvitshme (që po bëhen mbas tubimeve historiko-shkencore), për
shumë figura të shquara të nacionalizmit shqiptar në trojet etnike.
E në mënyrë të veçantë, duhet thenë se penda dhe mendja e begatë e
Professor Riza Sadikut, gjithnjë ka lëvruar figurat e harruara të nacionalizmit
shqiptar, të cilat kanë qenë lenë në pluhurin e harresës për 50 vjet të
rregjimit komunist në Shqipëri dhe trojet shqiptare nën ish Jugosllavi.
Ai edhe sot vijon të punoi me plot enërgji pa u lodhur në veprimtarinë
patriotike të mërgatës shqiptare nëpër botë.
Dhe është pikërisht për këtë që meriton Mirënjohjen e të gjithë
bashkatdhetarëve dhe urimet më të mira, për një jetë të gjatë dhe të suksesshme në
dobi të çeshtjes kombëtare!
Nga Tomë Mrijaj, New York
lmpx.com only provides a reader for public news (NNTP) servers. It is not
affiliated with the servers or forums shown here and is not responsible for
the content of articles, which is written by their respective authors.