| Newsgroups |
gmane.politics.region.albania.shqiperia |
| Message-ID |
<[email protected]> |
_Gazeta Metropol_ (http://www.gazetametropol.com/tekst.php?idt=68445)
Presidenti pret grate e persekutura
07/12/2010 “Të mos harrojnë ç’ka kaluar shoqëria shqiptare”
Gazeta Metropol : Presidenti i Republikës, Bamir Topi, dhe Zonja e Parë me
rastin e 20-vjetorit të ndërrimit të sistemeve pritën dje një përfaqësi të
grave të përndjekura gjatë periudhës së diktaturës komuniste në shenjë
respekti e vlerësimi për qëndresën, vetëmohimin dhe mesazhet e paqes. Kreu i
shtetit në fjalën e tij shprehu vlerësim dhe falënderim për familjarët e
këtyre grave, të cilët luftuan edhe në ato kohë shumë të vështira për
demokraci, për lirinë e fjalës. “Shumë prej tyre këto i kanë bërë jo në mënyrë të
fshehur, i kanë bërë drejtpërdrejt, i kanë bërë nëpërmjet një veprimi shumë
kurajoz, intelektual.
Një pjesë e tyre kanë qenë dhe mbeten në altarin e kombit si elita
intelektuale e kombit. Vepra e tyre nuk është thjesht ajo që përcillet gojë
pas goje, por është vepra intelektuale që ata kanë lënë me dorën e tyre”, -
theksoi Topi. Referuar kohës së sotme, kreu i shtetit tha se shoqëria
shqiptare ka nevojë të reformohet vazhdimisht. “Bashkë me nevojën për ndryshim
ka nevojë për emancipim. Sa më shumë të kalojë koha, aq më shumë njerëzit
duhet të bëhen të vetëdijshëm se duhet të kujtojnë. Fëmijët duhet të jetojnë
duke u edukuar për atë që kanë kaluar prindërit, kanë kaluar familjet, ka
kaluar shoqëria, përndryshe e ardhmja e tyre do të jetë shumë sipërfaqësore.
Do të mësohen vetëm me komoditetin e jetës dhe nuk do të dinë
asnjëherë të kuptojnë se si është ndërtuar kjo banesë që quhet ‘banesa e
demokracisë’”, - vijoi Presidenti. Përfaqësia e grave të persekutuara kërkuan nga
shteti përkrahjen e të persekutuarve, përkrahjen e inteligjencës, të
njerëzve të integruar. “Ne të persekutuarit dimë të falim, por nuk harrojmë”, -
tha Vilheme Vranari
20 vjetori i rrëzimit të diktaturës, gratë e persekutuara: Shteti të na
përkrahë!
Me rastin e 20 vjetorit të ndryshimit të sistemeve në Shqipëri, një
përfaqësi e grave të burgosura dhe të internuara gjatë komunizmit janë pritur dje
në presidencë. Në këtë takim ishin të pranishëm edhe Kryetari i Shoqatës
Mbarëkombëtare për Integrimin e të Burgosurve dhe të Përndjekurve Politikë,
Adem Allçi, Sekretari i Përgjithshëm i kësaj Shoqate, Besim Ndregjoni,
Kryetari i Qendrës Shqiptare për Rehabilitimin e Traumës dhe Torturës, Adrian
Kati, ish-të persekutuar të tjerë, si dhe anëtarë të Kabinetit të Presidentit
Me rastin e 20 vjetorit të ndryshimit të sistemeve në Shqipëri, një
përfaqësi e grave të burgosura dhe të internuara gjatë komunizmit janë pritur dje
në presidencë. Në këtë takim ishin të pranishëm edhe Kryetari i Shoqatës
Mbarëkombëtare për Integrimin e të Burgosurve dhe të Përndjekurve Politikë,
Adem Allçi, Sekretari i Përgjithshëm i kësaj Shoqate, Besim Ndregjoni,
Kryetari i Qendrës Shqiptare për Rehabilitimin e Traumës dhe Torturës, Adrian
Kati, ish-të persekutuar të tjerë, si dhe anëtarë të Kabinetit të
Presidentit. Në fjalën e tij përshëndetëse, kreu i shtetit theksoi: “Kanë qenë
baballarët tuaj, kanë qenë bashkëshortët, kanë qenë vëllezërit ata që luftuan edhe
në ato kohë shumë të vështira për demokraci, luftuan për lirinë e fjalës.
Shumë prej tyre këto i kanë bërë jo në mënyrë të fshehur, i kanë bërë
drejtpërdrejt, i kanë bërë nëpërmjet një veprimi shumë kurajoz, intelektual, një
pjesë e tyre kanë qenë dhe mbeten në altarin e kombit si elita
intelektuale e kombit. Vepra e tyre nuk është thjesht ajo që përcillet gojë mbas goje,
por është vepra intelektuale që ata e kanë lënë me dorën e tyre”. Topi
shtoi se këto familje meritojnë vlerësimin më të madh jo vetëm për qytetarinë
që kanë trashëguar në breza, por sidomos për sakrificat dhe vuajtjet me të
cilat janë përballur. Duke iu drejtuar të pranishmëve në ceremoni, ai tha: “
Por bashkë me ju ka ardhur një pjesë shumë e rëndësishme e transmetimit të
virtytit qytetar. Gjithmonë kam dëgjuar nëpërmjet zërit tuaj që ka qenë
gjithmonë zë i matur, zë ekuilibrues, që dëshironi të ndërtoni një shoqëri të
gjithë së bashku, kur themi shoqëri - ku të spikasin vlerat. Dëshirojmë që
fëmijët tuaj, fëmijët e të gjithë shqiptarëve të jenë pa komplekse, të
jenë pa paragjykime, të ndërtohet një mënyrë komunikimi që do i shërbejë të
ardhmes”. Presidenti nënvizoi se nuk ka asnjë rrugë tjetër për të ardhmen e
Shqipërisë, përveç asaj të integrimit në familjen evropiane.
Vranari: Shteti të na përkrahë!
Në emër të të gjitha grave, nënave, motrave e bashkëshorteve të burgosura
dhe të internuara gjatë periudhës së komunizmit e mori fjalën znj. Vilheme
Vranari, e cila e vlerësoi si shumë të rëndë periudhën e diktaturës në
Shqipëri. Një vend, që sipas saj nuk e meritonte të kthehej në një burg
gjigant. “Ne, të persekutuarit, dimë të falim por nuk harrojmë. Nuk mund të
harrohen vuajtjet tona dhe këto ne i kemi shprehur nëpër veprat tona. Unë veten e
quaj të integruar në shoqëri, sepse kam shkruar disa vepra, ku kam
përshkruar vuajtjet dhe hallet e popullit tim. Veçse dëshiroj nga shteti
përkrahjen e të persekutuarve, përkrahjen e inteligjencës, e njerëzve të integruar.
Ne kërkojmë të njihemi dhe në botë, që realiteti shqiptar të njihet sa më
mirë” Më pas, e morën fjalën znj. Drita Dyrmishi, ish-e burgosur, znj.
Gjylije Kazazi nga Shkodra dhe znj. Nahile Capo nga Dibra, të cilat, pasi
treguan shkurtimisht për vuajtjet e familjeve të tyre.
Allçi: Nënë Terezat e Shqipërisë, për kontributin
Kryetari i Shoqatës Mbarëkombëtare për Integrimin e të Burgosurve dhe të
Përndjekurve Politikë, Adem Allçi, u shpreh: “Ne, vërtet kemi një ‘Nënë
Terezë’ që e njeh gjithë bota, por për mua, edhe të gjitha këto zonja që janë
këtu janë ‘Nënë Tereza’, sepse kanë dhënë një kontribut të veçantë. E
falënderoj Presidentin sepse kujton ish-të dënuarit, të persekutuarit politikë
të Shqipërisë, sepse ai që respekton këta do të thotë që është një autoritet
i lartë i një shteti”.