NOA: Kryebashkiaku Basha në Uashington, takime në DASH
(http://www.noa.al/home/noa/public_html/wp-content/uploads/2012/01/basha-shba-noa.jpg)
Uashington 30 Janar 2012 NOA/ Irma Toptani - Kryetari i Bashkisë së
Tiranës Lulzim Basha po zhvillon një vizitë zyrtare në Uashington. Zoti Basha u
prit në një takim të veçantë në Departamentin e Shtetit nga Zëvendës
Ndihmëssekretari i Shtetit Amerikan për Europën Phil Reeker.
Në këtë takim z. Basha e ka njohur zotin Reeker me projektet e tij në krye
të Bashkisë për ta bërë Tiranën një qytet atraktiv për investime, raporton
agjencia e lajmeve NOA.al.
Basha nënvizoi si prioritet të punës së tij zhvillimin ekonomik dhe
rritjen e shanseve të punësimit. Ai tha se qëllimi i vizitës së tij është të
prezantojë potencialet që ofron Tirana për investime por edhe lehtësitë që
ofron Bashkia për ata që zgjedhin Tiranën si destinacion të planeve të tyre të
investimit.
Tirana, theksoi Basha në këtë takim, mirëpret investitorët amerikanë në
përpjekjen për një Tiranë të shekullit të 21. Kësaj i shërben, sipas Bashës,
edhe angazhimi i ekspertëve më të mirë të urbanistikës për Planin
Urbanistik por edhe për projektet strategjike si zgjatimi i bulevardit, konkursi për
projektin e të cilit zhvillohet më 9 mars apo projekti i Tramit,
rehabilitimi i Lumit të Tiranës etj. Reeker ka vlerësuar projektet e zotit Basha si
dhe prioritetin e tij për një Tiranë të zhvilluar si kusht për mirëqënien e
qytetarëve të saj.
Prononcimi i z Reeker dhe z Basha pas takimit:
Reeker: “Jam tepër i kënaqur dhe i nderuar që u takova me Kryetarin e
Bashkisë së Tiranës z Basha dhe i urova mirëseardhjen në Uashington. Patëm një
ditë të këndshme për të ndarë eksperiancat dhe jam i bindur se do të kemi
takime të tjera të vlefshme. Basha është këtu dhe pres ta takoj sërish atë
kur unë të vizitoj Tiranën”.
Basha: “Gjatë takimit me z Riker, e prezantova me platformën time për
Bashkinë e Tiranës për hapat që kemi ndërmarrë për një qytet më miqësor ndaj
biznesit, më miqësor ndaj investimeve të huaja ne veçanti ato amerikane, në
funksion të rritjes ekonomike dhe zhvillimit të Tiranës si dhe rritjes së
shanceve të punësimit. Por edhe të pjesëmarrjejes së amerikanëve në
përpjekjen tonë për një Tiranë moderne e europiane, të një Tirane të shekullit të
21, në veçanti me Planin Urbanistik, për konkurset e ndryshme siç është
konkursi për Bulevardin dhe përpjekjeve të mia për të përmirësuar performancën e
qeverisjes së Tiranës në veçanti në raport në dëgjimin e zërit të
qytetarëve dhe përfshirjen e qytetarëve në vendimarrje si dhe për transparencën që
qeverisja lokale duhet të ofrojë në raport me qytetarët dhe bizneset”.
lmpx.com only provides a reader for public news (NNTP) servers. It is not
affiliated with the servers or forums shown here and is not responsible for
the content of articles, which is written by their respective authors.