[AlbClub] Berisha ik ! Po pastaj ?

                  *** AlbClub Discussion List ***

Berisha
ik ! Po pastaj ?

Nga
Ajet Nuro

Botuar në Tribuna Shqiptare

Së
pari do të doja të shprehja keqardhjen time dhe në të
njëjtën kohë simpatinë për banorër e
Gërdecit, si shqiptari për shqiptarët por dhe për
faktin që jeta më ka bërë që ta shkel atë
fshat dhe të njoh dhe banorët e tij, banor që i dallon
entuziazmi dhe bujaria tipike e banorëve të Shqipërisë
së mesme. Duhet të kujtoj këtu se nga Gërdeci ka
origjinën një nga artistet më të njohura të
Tiranës, dhe gjithë Shqipërisë, Merita Halili.

Shpërthimi i
municioneve në Gërdec, « shpërtheu »
dhe debatet më të mëdha në Shqipërinë e
pas '97. Debate politike, strategjike, ekonomike
etj. Në një farë mënyre, Gërdeci i zgjoi
shqiptarët dhe i bëri të rishikojnë vehten dhe të
krahasohen me të tjerët dhe efekti « Gërdec »
ndihet në të gjitha bisedat, lajmet, debatet etj etj. Dhe,
është normale dhe e ligjshme që pas asaj çka
ndodhi në Gërdec të dëgjojmë ngado thirrjet
« Berisha ik ! » Në një shoqëri
të vërtet demokratike dhe normale një kryeministër
« digjet » nga ngjarje të tilla. Pak
rëndësi nëse ai e meriton apo jo një "dënim"
të till.

Gërdeci
i paralajmëruar...

Sa
herë dëgjojmë per ngjarje jo të pëlqyeshme
nga Shqipëria, duke mos dashur të flas për të
tjerët por unë personalisht gjithmonë mendoj se kjo
nuk është e fundit. Si është e mundur që
ndodhën ngjarjet në Kosinë, si është e
mundur që ndodhin trazira dhe deklarata antikushtetuese në
Himarë, si është e mundur që shqiptarët
vdesin për mungesë sigurie në rrugë në liqen
etj etj. Ndoshta do të ishte e rëndë të pranohet
por ja që realiteti shqiptar është i tillë që
Gërdeci vetëm sa zbuloi atë që ne shqiptarët
mundohemi ta fshehim, primitivitetin e shtetit tonë,
primitivitetin e shoqërisë sonë. Unë, dhe nuk
besoj se jam i vetmi, jam shprehur dhe i qëndroj në atë
se Shqipëria nuk ka ndryshuar dhe duhet vepruar sa nuk është
vonë. Ngjarjet e 1997 dhe rikthimi i tyre në një apo
në tjetër formë, e përforcon një gjë të
tillë. Ka 18 vjetë që ne shqiptarët
ngopemi me lugën bosh. Demokracia shqpiptare çalon dhe
një demokraci çale e dëmton një shoqëri po
aq sa dhe një diktature në mos dhe më keq. Fakti që
pas një dikatature, të gjithë e duan demokracinë
tregon se një diktature ia përgatit vendin një
demokracie. Nuk mund të themi se nga një gjë e tillë
kanë përfituar shqiptarët. Për 18 vjetë me
radhë vetëm përshkruajmë arritjet e vendeve të
lindjes që ia dolën të përmbysin komunizmin,
kryen tranzicionin dhe tash ndodhen në BE, ndërsa ne
shqiptarët duhet të kënaqemi me një ftesë në
NATO. Gjithçka që ndodh në Shqipëri mund të
ketë emër përveç fjalës normale. Ne kemi
18 vjetë që lakojmë të njëjtët emra në
politikën shqiptare. Atherë pse e kundërshtojmë
monarkinë. Mbretin, të paktën nuk do bënim sikur
e zgjedhim !!!

A
ka faj Berisha për Gërdecin ?

Që të
themi Berisha ka faj ose jo, duhen fakte. Ato dhe nëse nuk kanë
ardhur do të vijnë. Por në demokracitë moderne
parimi më i rëndësishëm i një qeverie është
« qeverisja e pëgjegjëshme ». Partitë
në pushtet le të rrëfehen nëse kanë mëkate.
Nëse mëkatarët kanë emër ata duhet të
bëhen të njohur dhe përgjegjësit duhet të
ndahen nga « tufa » qeveri. Por sido që të
jetë qeveria nuk ngelet pa gjë sepse ka dhe një parim
tjetër, i njohur si përgjegjësia kolektive e qeverisë.
Dhe në krye të kësaj qeverie është Berisha.
Mbi të gjitha, ajo që dëmtohet në këtë
mes është miti i krijuar nga qeveria e djathtë se po
lufton korrupsionin, se qytetarët mund ta denoncojnë çdo
veprim të korruptuar etj etj. Unë këtë e quaj
përgjegjësi të Berishës. Askush nuk ka të
drejtë të flas për veprime të një klase
politike me qëndrime të djathta. Ndoshta të gjitha
këto duan të injorojnë përparimin e një
rrume të vërtet të djathtë.

Shoqëria
shqiptare ka pjesën e vetë të përgjegjësisë

Ne nuk kemi shoqëri
civile. Një shoqeri e civilizuar krijon instrumentat për të
zhvilluar demokracinë dhe për ta mbrojtur atë. Ne kemi
qindra ONG (organizata jo-qeveritare) në Shqipëri por siç
duket ato janë privatizuar. Dhe duhet të jenë
privatizuar me .. letra pa vletë...Sidoqoftë për
drejtuesit këto ONG duhet ta kenë njëfarë
vlere... Veç demokracia nuk zhvillohet pa ONG që punojnë
dhe që kërkojnë llogari.

Po
shtypi ?

Të vjen mirë
kur konstaton që në Shqipëri kemi shtyp pak a shumë
të zhvilluar sepse kemi dhjetra tituj gazetash dhe revistash.
Por ndërsa të gjitha (ose pothuajse...) këto gazeta
nuk lënë rast pa shkruar për diktaturën për
sakrificat e kryera nga kasta e asaj kohe apo grindjet në
familjen Hoxha, asnjë gazetar nuk e ka marr mundimin të
hetoj për probleme të tilla si ai që solli tragjedinë
e Gërdecit. Gazetat dhe gazetarët kanë rol të
rëndësishëm parandalues. Pasi ndodhin ngjarjet
reportazhet e tyre, sado të rëndësishme janë si
kofini pas të vjeli. Më keqa është se shumica e
gazetave në Shqipëri nuk harrojnë të shkruajnë
në krah të emrit të gazetëz shprehjen e famëshme
« gazetë e pavarur » Kjo është
mëse vërtetë, por atë « pa »
nuk e kemi parë gjer më sot...

A
duhet të jap Berisha dorëheqjen ?

Po, le ta jap. Pyetja
që unë do të shtroja është kush do ta
zvendësoj. Dhe këtu nuk është frika se a ka
shqiptar që të mundet të kryej detyrën e vështirë
të kryeministrit. Gjithsesi jo. Problemi qëndron në
një shprehje kokëfort shqiptare që përfundon me
« ... një turi kanë » Le ti shikojmë
gjërat në sy. Para disa ditësh pash një foto të
« News24 » ku shfaqeshin shefat e opozitës
që kërkonin « kokën e Berishës ».
Të them të drejtën më erdhi keq për
Shqipërinë. Foto ishte marr në mars 2008 por
çuditërisht të kujton marsin e 1997. Po
ato fytyra (ose pothuajse...) dhe po ato kërkesa. « Berisha
ik » Dhe më 1997 për një kapriço të
tillë dhe me premtimin për të kthyer paratë e
grabitura nga hajdutët piramidas, opozita e asaj kohe dhe e
sotme dogji Shqipërinë. Sigurisht jo e vetme por dhe me
kokëfortësinë e pozitës për të mos
gjetur një zgjidhje politike. Le të mos bëhen
shqiptarët preh e ambicieve të një klase politike që
asgjë nuk i ndal për të marr
një copë karrige nëpër ministrira. Për ta
nuk ka rëndësi çmimi.

Berisha
IK !!! Po pastaj ?

Për
mua "Berisha ik!" nuk mund të ndahet nga pyetja "po
pastaj?". Edhe diktatori Franko para se të vdiste
mendoi për Spanjën dhe solli në fron Huan Karlon.
Klasa e sotme nuk ka ndërmend të lëshoj armët
(karriget...) dhe të mendoj për të nesërmen e
Shqipërisë. Ata që nuk ndihen të sigurt në
Shqipëri veç një rrugë kanë : të
tentojnë të hedhin poshtë shkaktaren e kësaj
gjendjeje në Shqipëri, klasës së vjetër
politike. Nëse ndiheni të sigurt, vazhdoni rrugën.
Berisha një ditë do iki. Po pastaj ?!

Montreal,
Kanada

13 prill
2008

[email protected]

_________________________

http://www.albemigrant.com/

______________________________________________________________
If you wish to unsubscribe, send a blank message to:
[email protected] , or visit Alb-Club's page at:
http://www.alb-net.com/mailman/listinfo/alb-club