Re: La baloto de 2011 pri la Estraro de la Vikim edia Fondaĵo

Saluton Lu kaj ceteraj (ĉar mi ne ofte uzas tiun ĉi grupon, mia antaŭa 
respondo en tiu ĉi fadeno ial ne trafis ĝin):

Mi tiam skribis:

> mi ĵus komentis en la diskutejo, opinias ja grava baloti kaj laŭ
> propra impreso rekomendas subteni Joan Gomà (kaj eventuale pliajn
> kandidatojn) kiu havas plurajn malsamajn rilatojn al la
> esperanto-komunumo kaj ja eĉ jam montris iumaniere iniciaton rekte en
> esperanto alparolante la esperantistojn kaj amplekse respondante en
> la pribalota retejo al la demandoj kiuj povus ilin interesi.
>
> Legu detalojn en mia kontribuo en la diskutejo.

Miajn pliajn kandidatojn (du - sed ja ne ekzistas limigo pri kvanto) mi 
ankaŭ menciis tie - temas pri Capsot kaj Sj, kiuj ankaŭ favore sin 
esprimis pri nia afero kaj/aŭ kies kunlaboremon pri aferoj al ni 
simpatiaj menciis Joan Gomà.

Se oni voĉdonas nur por unu kandidato, tio signifas ke oni preferas 
lin/ŝin al la ĉiuj ceteraj kandidatoj, inter kiuj mem oni estas 
indiferenta. Se oni voĉdonas por pliaj kandidatoj, oni metas ilin en 
siaj preferoj en konkretan ordon. Tamen, la Schulze-metodo laboras nur 
kun la preferoj ĉiam de unu kandidato al alia kaj kalkulas la kvanton de 
homoj kiuj tiel preferas -- sekve, se oni markas preferojn ĉe pliaj 
kandidatoj, tio neniel malavantaĝigas la unuan kandidaton kompare kun la 
situacio kiam oni markas preferon nur por tiu unu.

Marek Blahuš (Blahma)

Je 2011-06-09 08:29, Lu Wunsch-Rolshoven skribis:
> Dankon! Kaj chu iu havas ideon por kandidato du kaj tri? Au chu la
> shancoj por Gomà estos pli grandaj, se oni elektas nur lin kaj neniun
> alian? (Mi ne detale provis kompreni la elektosistemon...)
>
> Lu


_______________________________________________
WikiEO-l dissendolisto
[email protected]
https://lists.wikimedia.org/mailman/listinfo/wikieo-l