Re: Spaetzle schaerre

Am 11.07.2021 um 11:58 schrieb Guenther Fischer:
> On 10. Jul 2021, Matthias Kohrs wrote

>> "Schpät"folge han i no koine, weils no ned in dem Sinn schpät isch. Aber
>> i schnauf halt no ond huscht rom ond ben schnell müd.
> 
> Des midd de Schbädfolga hodd hodd bei mir ersch 4 Monad schbäder aagfanga.

Bei mir am Tisch hockt oine (also manchmal begegnet mir ons beim esse, 
aber des isch so getaktet, daß m rvo de andere meeischtens bloß des 
Tischkärtle sieht), die isch vor siebe Monate erkrankt, war ned im 
Krankehaus ond nix, aber kommt seither nemme recht uff'd Füß. Es isch 
bei jedem ziemlich onterschiedlich. Insofern versuch i, daß i jetzt ned 
nervös werd...

Oi "Schpätfolge" isch, daß i jetzt woiß, daß i im erschten Stadium 
Diabetiker ben. Ond a Herzklappe isch verkalkt, funktioniert aber 
oineweg noch gut.

> I wensch dr ällas Guade!

Danke, des geb i gern zurück. Au an älle andere in dr Newsgroup, die 
wo's brauche kenned.

Grüssle vom    Matthias