Re: Spaetzle schaerre

Maria Horlacher <[email protected]> wrote:
> "Doba" sait mr erscht wenn oiner reacht ogschickt an d'Arbat nogoht.
> Doch mecht I fascht beahupta, dass 'Doba" gar nemme em Schprochgebrauch
> isch.
> I hau mei Nichte gfrogt dia isch ieber 20 Johr jenger als I, sia moint
> dass ma des em Neckertal au nemme hehrt.
> Somit isch des Wort aus am Wortschatz rausgfalla. Wia so viel halt.
> Wenn mir nemme mitnander schwaetzad no goht au a weng Kultur verlora :-(

Ihett dees au ned so gsagt. Aber verstande han i's glei, weil ma mir
emmer gsagt hot i soll koine Dober mache, also koine Fengerabdrueck mit
de Dreckfenger henderlasse.

Letschd Woch wared mr dann em Museumsdorf en Kuernbach, no her i en
Vadder seie Kender schempfe se solled ed aelles mit ihre Doba alange.
I han en no gfrogt wo er her sei ond ob seine Kender des verschtande
daetet. Aus Reute (bei Biberach) sei er ond verschdande daeted ses scho
blos ned druff here.

-- 
 J. Dollinger  FAW/n Ulm | zeitnot@irc | http://zeitnot.home.pages.de
What did you do to the cat? It looks half-dead. -Schroedinger's wife