Re: Spaetzle schaerre

Wolfgang Hartter <[email protected]> wrote:
> Am 08.09.21 um 10:48 schrieb Maria Horlacher:
> 
> > Mei Grof kennt des Wort "hendrezfier" et. 
 
> > Do hod ma emmer gsagt wenn ma so aus am Haeusle war, der isch wieder mol
> > hendrezfier, ma ka saga et ganz bacha.
> > Hod vo Euch ebber a andere Deutong dazua?
> 
> Endressanderweis schdoht do nix em Schwäbischa Werderbuach...
> 
> I moin, dees kommd vo "hend(r)a" (hinten) ond "viersche" (vorne,
> vorwärts) - also s Hendre vorna, falsch rom - ond zwar vorna ond henda
> vertauschd. Deshalb däd i dees mid "...vier" schreiba.
> En deam Zammahang fälld mer no "viersche" ei - also "vorwärts"
> (Gegadoil: hendersche, rückwärts).

Wolfgang des hosch mol wieder guad gloest I moin mit deam "v"!
Somit hau I au en meine alde Dag no was glernt :-)

> "Hendrazvier" kenn i eigendlich blooß vo Sacha, also wenn ma z.B. a
> Onderhemmad oder T-Shirt hendrazvier aa hod, also s Hendre vorna (oder s
> Vordere henda? ;-) )- falsch rom hald.
> Bei ma Hemmad gohd dees eigendlich schwer weage de Gnebf...

Richtig!

> Wenn ma dees auf Persona aawendet (was i aber so ed kenn), no ischd dees
> nadierlich analog, dass oiner "falsch rom" isch - wia au emmer.
> 
> Wenn ma d "lenka" (linke, innere) Seid aussa hod, said ma aber
> eigendlich ed "hendrazvier", weil jo vorna ond henda ed verdauschd
> ischd. En deam Zammahang kenn i eigendlich blooß "falsch rom".

Do hosch dr mol wieder viel Gedanka gmacht. Hosch mr mol wieder aus dr
Patsche gholfa, DANKE!!

> Dees send jo schau faschd filosofische Gedanga...
 
> An scheena Gruass vo Messinga ond bx
> Wolfgang Hartter

Ka I au blos zruck geba, I moin mit deam bx.

Mir warad heut wieder mol zur Kontroll beim Kardiologen.
Mei Grof hod doch sch endlich Johr an Defi. 
Aelles sitzt no am richtiga Platz ond dia Impulse hend sich no net gmeldet.
Des isch wieder mol a Freudadag en deane graue Zeite.

Grieassle vom Eile


-- 

     Maria Horlacher - [email protected]  -  http://www.flupp.org/eile/