Re: Spaetzle schaerre

On 8. Sep 2021, Wolfgang Hartter wrote
(in article <[email protected]>):

> Am 08.09.21 um 10:48 schrieb Maria Horlacher:
>
> > Mei Grof kennt des Wort "hendrezfier" et.
>
> > Do hod ma emmer gsagt wenn ma so aus am Haeusle war, der isch wieder mol
> > hendrezfier, ma ka saga et ganz bacha.
> > Hod vo Euch ebber a andere Deutong dazua?
>
> Endressanderweis schdoht do nix em Schwäbischa Werderbuach...
>
> I moin, dees kommd vo "hend(r)a" (hinten) ond "viersche" (vorne,
> vorwärts) - also s Hendre vorna, falsch rom - ond zwar vorna ond henda
> vertauschd. Deshalb däd i dees mid "...vier" schreiba.
> En deam Zammahang fälld mer no "viersche" ei - also "vorwärts"
> (Gegadoil: hendersche, rückwärts).
>
> "Hendrazvier" kenn i eigendlich blooß vo Sacha, also wenn ma z.B. a
> Onderhemmad oder T-Shirt hendrazvier aa hod, also s Hendre vorna (oder s
> Vordere henda? ;-) )- falsch rom hald.
> Bei ma Hemmad gohd dees eigendlich schwer weage de Gnebf...
>
> Wenn ma dees auf Persona aawendet (was i aber so ed kenn), no ischd dees
> nadierlich analog, dass oiner "falsch rom" isch - wia au emmer.
>
> Wenn ma d "lenka" (linke, innere) Seid aussa hod, said ma aber
> eigendlich ed "hendrazvier", weil jo vorna ond henda ed verdauschd
> ischd. En deam Zammahang kenn i eigendlich blooß "falsch rom".
>
> Dees send jo schau faschd filosofische Gedanga...

Des hosch brima gschrieba, Wolfgang.

I kenn des als „henderschefier“ em Senn von „edd normal“, 
„verwirrt“, „durcheinander“.

Em Schwäbischa Handwörterbuach isch s als „hintersifür“ ond 
„hinterstfür“ erwähnt.
Bedeutung: „verkehrt = hinterfür“ oder ao „Den Gaul von hinten 
aufzäumen“ oder „verwirrt“.

Als Beischbiel kommt no „Der macht einen no ganz hendersifier“.

I hedd als Beischbiel gnomma: „Jedzad be i aber ganz henderschefier“ - 
des bassiert mir regelmässig, wenn mir ebber erklärt, worom er sich edd 
gega Corona empfa lässt.
Oder wenn dr Hofreiter erklärt, dass mei E6-Diesel „dreckig“ sei. No 
denk i, der isch ganz schee henderschefier, der Daggl...