Re: Weihnachda

On 22. Jan 2022, GMarco wrote
(in article<[email protected]>):

> Maria Horlacher schrieb am Samstag, 22. Januar 2022 um 12:16:17 UTC+1:
>
> > Schpaetzle schaba hod am Marco sei domolige Freundin bei mir en Heubach.
> > I han ihre no a Schpaetlesbrett ond an Schaber gschenkt.
> > Des ghert fei au mol gsait!!
>
> Ond dau drfier werr I Dir ewig dankbar sei!
>
> Wois i no wie heid.
>
> Schbaedsla schabe isch iebrigens gar edd so viel Aufwand, wenn ma midrechned,
> dass ma endweder ds Bredd ond da Schaber oder ob ma da Schbaedslesdrugger
> sauber macha muss.
> Also d Arbeid insgesamd moin i.
>
> Jedsd brauche blos no jemand, der wo dr Sandra ond meine Kender erklaerd,
> wie guad Lensa schmegged. Lensa ond Schbaedsla geids bei ons neemlich blos
> fr mi, sonschd mag des koiner.

Für s Äffle ond s Pferdle isch des hald s Ällergreeschde.

Bei ons geid s en de Wirtschafda emmer efders Albleisa. Dia send kloiner ond 
besser. Ond des send hald de echde Leisa.

Wega dr Globalisierong hodd mr vergessa, wia guad dia send, Schließlich send 
se bei ons ganz ausgschdorba gwä.

A Laisa-Zichter aus Haigerloch hodd wieder aagfanga midd eim Leisa-Aabau uff 
dr Alb en Lauterach. Z erschd hend se a Lensasort uss em Zentralmassiv en 
Frankreich aabaut, aber s Original hend se no schliaßlich doch entdeckt en 
ra Gen-Bank en St. Petersburg en Russland. Seit 2011 ka mr se wieder kaufa.

D Alblensa werded heut emmer no zentral uss Lauterbach vermarktet ond dia 
geits faschd ausschliesslich em Schwäbischa, also en Württemberg, em Allgai 
ond en Weschd-Bayern. So muass des sei. Exil-Schwoba wia mei Bruader kommed 
her ond nemmed da Johresbedarf midd hoim. Oder lassed s sich zuaschigga. Dr 
Amazon hodd s ao em Brogramm.Do griagd mr sogar a Set mit Schbätzlesbrett 
ond Schaber, Schbezial Schbätzlesmeahl, Alb-Leisa ond Essig aus Mensenga. A 
Kochleffel isch ao no derbei - s ganze für 39,90, also faschd gschenkt...

Des Set kasch nadierlich ao en Bioläda, Mühlaläda, Hofläda ond so weider 
kaofa.... vielleichd sogar billicher.

An Guada!