Re: Weihnachda

Guenther Fischer <[email protected]> wrote:

No meh zo de Albleisa:
> Für s Äffle ond s Pferdle isch des hald s Ällergreeschde.
> 
> Bei ons geid s en de Wirtschafda emmer efders Albleisa. Dia send kloiner ond 
> besser. Ond des send hald de echde Leisa.

Des isch a Gedicht, wenn ma dia Albleisa mol kochad hod, no will ma koine
andere meh!

Leider isch letschtes Johr (waswoissiauworom) d'Ernte vo deane Lensa
aisgfalla. So hendarom hann ich jetzt doch no a Pfond ergattert.

> A Laisa-Zichter aus Haigerloch hodd wieder aagfanga midd eim Leisa-Aabau uff 
> dr Alb en Lauterach. Z erschd hend se a Lensasort uss em Zentralmassiv en 
> Frankreich aabaut, aber s Original hend se no schliaßlich doch entdeckt en 
> ra Gen-Bank en St. Petersburg en Russland. Seit 2011 ka mr se wieder kaufa.

Ganz genau dia Devise kenn I au so!

> D Alblensa werded heut emmer no zentral uss Lauterbach vermarktet ond dia 
> geits faschd ausschliesslich em Schwäbischa, also en Württemberg, em Allgai 
> ond en Weschd-Bayern. So muass des sei. Exil-Schwoba wia mei Bruader kommed 
> her ond nemmed da Johresbedarf midd hoim. Oder lassed s sich zuaschigga. Dr 
> Amazon hodd s ao em Brogramm.Do griagd mr sogar a Set mit Schbätzlesbrett 
> ond Schaber, Schbezial Schbätzlesmeahl, Alb-Leisa ond Essig aus Mensenga. A 
> Kochleffel isch ao no derbei - s ganze für 39,90, also faschd gschenkt...

Heidanei do hot mol wieder so a Schwob da fenger em richtige Loch :-)

> Des Set kasch nadierlich ao en Bioläda, Mühlaläda, Hofläda ond so weider 
> kaofa.... vielleichd sogar billicher.
> 
> An Guada!

Au so!

Heit hodds bei ons en Rehbroda geba mit handgschabde Spaetzle. Des war
noch langer Zeit au mol wieder reacht guad!

Grieassle vom Eile, dia emmer no gern kocht!


-- 
     Maria Horlacher - [email protected]  -  http://www.flupp.org/eile/