Re: Max und Moritz, diese Lumpen...

In han inzwischa 2 Varianda aabodda griagd:

1. Max und Moritz, diese Lumpen, rauchten Zigarettenstumpen.
2. Max und Motitz, diese Lumpen, rauchten immer Burger-Stumpen.

"Burger" ischd a schweizerischa Zigarrafabrik, dui mo en Sigmaringen a 
Filiale g'heed hod. Dia händ dia bekannde "Rössli"-Schdomba 
hergschdelld. Mei Informantin behaubdad steif ond feschd, dass dees 
garantiert so hoissd.

Was also jedsd?
Also lautet der Beschluss, dass es 2 güldige Varianda geid, die mo hald 
regional verschieda send.

So wia's bei Volksliader au verschiedene Tegschd geit; do said ma, dia 
send "versonga" - weil se mündlich hald verschieda weitergee oder 
regional omdichdad worra send.

Dange fir's Middenka
ond an scheene Gruass vo Messinge
Wolfgang Hartter