Re: Wer woiss...

On 24. May 2021, Wolfgang Hartter wrote
(in article <[email protected]>):

> Am 24.05.21 um 14:12 schrieb Guenther Fischer:
> >
> > ... was „geischtweis“ bedeitet?
> > Vermuatlich geit s do verschiedene Moinonga derzua.
>
> Em "Schwäbischa Handwörterbuach" stoht:
> "geistweis = Adv. nach der Art eines Geistes. a.g. reden (schwätzen).
> Ein Geist redet an und wird angeredet nicht direkt, sondern mit "man".
> Wenn man daher aus Befangenheit eine direkte Anrede mit du, Ihr, Sie
> nicht wagt, redet man geistweis, z.B. 'Ist ma [man] au wieder hiasig?'"
>
> So kenn i dees au - wenn ma also ed woiss, ob ma "Du" oder "Sie" saga
> soll/derf, schwädsd ma goischdweis mit deam, indem ma "ma" (man) benüdsd.
>
> Meira Eischädsung nooch däd do alternativ (wie bei de Alde) schdadddessa
> au d 3. Person gau: "Ischd er au wieder hiasig?", um a diregda Anrede
> zom vermeida.

Genau so isch des, Wolfgang. Des midd dem „er“ isch guad beschrieba. Des 
könnt mr ao no mid dem omineesa „Mr“ ergänza, den s aigentlich gar edd 
geit, aber den a jeder kennt: „Mr sodd da Rasa mäha. Mr sodd mol wieder d 
Kuche aufreima. Mr kennd ao mol wieder Grilla“. Aber des isch aigendlich a 
Art Aufforderung an den guada Goischd em Haus, also ao en ma gwissa Senn 
„goischtweis“.
>
> PS: Horchad au amol meine Chor-Liader vo mei'm virtuella Chor a!
> Oder däd äbber sogar midsenga wella?
> www.hartter.de

Des isch a guade Sach, Wolfgang!
>
> An scheene Gruass vo Messinge
> Wolfgang Hartter

An Gruass zrugg uss Gerlinga