Re: Слоўнік для праверк і правапісу

On Thu, 21 Oct 2010 22:04:34 +0300
Ihar Hrachyshka <[email protected]> wrote:

> Здаецца, якраз *гэта* няцяжка зрабіць. Словы раскіданыя па асобных
> файлах (дзеясловы, назоўнікі, геаграфія...) Перад збудаваннем усе
> файлы аб'ядноўваюцца ў адно, і тады генеруецца гатовы для ўжытку
> модуль. На першым этапе ("усе файлы аб'ядноўваюцца") можна непатрэбнае
> выкінуць, каб атрымаць чысты слоўнік "для канцылярскага ўжытку".

Так, словы раскіданы па файлах. Часткі dzeeprym, dzejasl1,
dzejasl2, lich, naz, naz1, naz2, naz3, prym, prysl, pryst
даволі дакладна (не менш за 99,9%) прытрымліваюцца
пададзеных у ТСБЛМ-05, часткі chasc, pryn, zajm, zluch -
прыблізна, vykl - моцна адрозніваецца, словы з астатніх
частак у ТСБЛМ-05 прынцыпова адсутнічаюць.

Словы "спадар" і "спадарства" у ТСБЛМ-05 ёсць. Аднак, няма
"медыцына", "кружка", "бурштын" і г.д. - можаце глянуць у
частку abl.

У частку abl я паскладваў словы, якія, на мой погляд,
мусяць быць у слоўніку кшталту ТСБЛМ.

Так што, можна сабраць, для прыкладу, слоўнік з
словазборам, які на 99 і болей % будзе складзены з
загаловачных слоў з ТСБЛМ-05 (я спрабаваў - не скажу, каб
гэта мела практычную цікавасць). З другога боку, для сваіх
мэт я маю частку з абсцэннай лексікай, яе я не публікаваў і
наўрад ці буду.

І хаця па аб'ёму зараз тыя словы, што адсутнічаюць у
ТСБЛМ, складаюць толькі крыху больш 10%, я лічу, што гэта
частка значная (з-за частасці ужывання).

Я разглядаю любыя словы, якія трапляюцца ў
беларускамоўных тэкстах. На бягучы момант у пытанні
дадання-выкідання слоў я кіруюся сваім адчуваннем, і з
гэтым трэба штосьці рабіць. Напэўна, трэба шукаць слоўнікі,
дзе гэтыя словы ёсць.

Цяпер тое ж самае, у адваротна-алфавітным парадку:
zluch - злучнікі, паводле ТСБЛМ-05
zajm - займеннікі, ТСБЛМ
vykl - выклічнікі, клічная форма дзеясловаў, гукаперайманні
       па магчымасці, з ТСБЛМ, астатняе з выпадковых крыніц
       (пачаткова з "Беларуская мова: поўны школьны курс"
       Красней, Лаўрэль)
sk - скарачэнні, з выпадковых крыніц
pryst - прыстаўкі, якія пішуцца праз злучок, ТСБЛМ
prysl - прыслоўі, ТСБЛМ
pryn - прыназоўнікі, (пачаткова Красней і Лаўрэль, зараз)
       ТСБЛМ
prym - прыметнікі, ТСБЛМ
prozv - прозвішчы, (пачаткова паводле "Слоўніка цяжкасцяў
        беларускай мовы" Плотнікава і Трайкоўскай, цяпер
        моцна пашыраны) з выпадковых крыніц
naz3 - назоўнікі трэцяга скланення, ТСБЛМ
naz2 - назоўнікі 2 скланення, ТСБЛМ
naz1 - назоўнікі 1 скланення, ТСБЛМ
naz - назоўнікі агульнага роду ці толькі множнага ліку,
      ТСБЛМ
najm - найменні божастваў, прозвішчы персанажаў, 
       клічкі - з выпадковых крыніц
lich - лічэбнікі, (Красней і Лаўрэль, з галавы), ТСБЛМ
im2 - імёны жаночыя, ("Слоўнік цяжкасцяў" з
      дадаткам) з выпадковых крыніц
im1 - імёны мужчынскія, ("Слоўнік цяжкасцяў" з дадаткам)
      з выпадковых крыніц
geagraph - геаграфічныя назвы, (пачаткова "Слоўнік
           цяжкасцяў", але тут ужо лепш і не ўспамінаць),
           з выпадковых крыніц
dzejasl2 - дзеясловы другога спражэння, ТСБЛМ
dzejasl1 - дзеясловы першага спражэння, ТСБЛМ
dzeeprysl - дзеепрыслоўі, з выпадковых крыніц
dzeeprym - дзеепрыметнікі, ТСБЛМ
chasc - часціцы, (пачаткова з "Беларуская мова: поўны
        школьны курс" Краснея і Лаўрэля, зараз дадаю)
        з ТСБЛМ
abl - ўсё, што не патрапіла ў азначаныя вышэй часткі.

diff-ы - на маю электронную пошту, ці ў
[email protected]

> 
> 2010/10/21 Yury Tarasievich <[email protected]>:
> > On 10/21/2010 09:23 PM, Ihar Hrachyshka wrote:
> >>
> >> У прынцыпе, для гэтага дастаткова стварыць дадатковыя падмодулі, якія
> >> будуць пры патрэбе ўключацца і выключацца з будовы слоўніка.
> >
> > А галоўнае тут умець гэта рабіць. У мяне склалася ўражанне (збоку), што гэта
> > неяк цяжка.
> >
> > Ю.Т.
> >
> > _______________________________________________
> > I18n mailing list
> > [email protected]
> > http://mova.org/cgi-bin/mailman/listinfo/i18n
> _______________________________________________
> I18n mailing list
> [email protected]
> http://mova.org/cgi-bin/mailman/listinfo/i18n

-- 
З найлепшымі,
Мікалай Удодаў <[email protected]>

_______________________________________________
I18n mailing list
[email protected]
http://mova.org/cgi-bin/mailman/listinfo/i18n