Re: mounik.org: пляцоўка-"пар асон" для беларускіх пра ектаў у IT

Прывітанне. Акрэслю свае думкі па пытанні арганізацыі.

У ідэале трэба было б альбо сабраць у груд усе наяўныя звесткі, улічыць 
мэты патэнцыяльнага развіцця, абмежаванні тэхнічнай базы, а потым усё 
спрабаваць сістэматызаваць ды арганізоўваць. Альбо ўзяць невялічкі, але 
добра вядомы і больш-менш у тэорыі сфармаваны кавалачак, увасабіць яго ў 
жыццё і потым ісці ад гэтага меншага, дадаючы новае па меры назапашвання 
звестак і падзеяў.

Агульна мяркуючы, можна казаць пра     настpупныя раздзелы:
     0) што такое, хто такія, нашто гэта трэба -- раздзел сфармуецца не 
адразу, можа першы час дапаўняцца ўдзельнікамі і хутчэй за ўсё перанясе 
некалькі зменаў пакуль набудзе канчатковы выгляд, бо тут трэба як 
наймага прыгожа ўсё распавясці;
     1) навіны -- спіс падзеяў без магчымасці рэдагаваць і каментаваць; 
прынамсі, першая навіна ўжо ёсць: "Увазе спадарства праект аб'яднання 
беларускіх праектаў: ура, ура, ура". Спіс навінаў (або чэйнджлог ці што 
там) ўнутрох кожнага праекту можа весціся свой асобны ("мы перавялі 57% 
такой-та прогі, маладцы, хлопцы"), а самыя важныя навіны з іх ("такая-та 
прога нарэшце перакладзеная") выносяцца ў галоўную стужку. Можна 
разлучаць тыпы навінаў: простыя навіны, накшталт "заўтра планавая 
п'янка", і пэўныя дасягненні па праектах -- "перакладзена 5% вянды".
     2) даведнік з малюнкамі (так і назваць) -- што трэба ведаць у 
першую чаргу; менш літар, больш сэнсу, ніхто шмат чытаць не будзе;
     3) спасылкі на рэсурсы па тэмах -- трэба каб гэта быў поўны, добра, 
вумна ды іерархічна арганізаваны раздзел з апісаннямі, можна нават з 
малюнкамі;
     4) запампоўкі -- патрэбныя файлы, праграмы, гатовыя пераклады, 
галоўнае -- слоўнікі (можна спасылку на раздзел "слоўнікі");
     5) слоўнікі -- асобным раздзелам ўсе спасылкі на ўсе наяўныя 
элекронныя слоўнікі, а таксама свежыя файлы з актуальнай тэрміналогіяй 
для спампоўвання;
     6) кантакты/асобы -- спіс імёнаў, роляў ды э-мэйлаў усіх важных (ці 
проста ўсіх) людзей, можна спасылкі на асабістыя сайты/блогі, жаберы, 
аські, скайпы, тэлефоны і да т. п.;
     7) сметнік -- каб ананімна спам-боты мелі магчымасць выказаць тут 
свае думкі; няхай нехта прыдзе і скажа, што гэтая ўся варухня не вартая 
ўвагі і ні да чаго не ідзе -- гэта добра, гэта можа быць зайздрасць, і 
значыцца праект на верным шляху; а нехта скажа, што малайцы, і будзе 
проста прыемна; а нехта можа і што цікавае параіць;
     8) ідэі -- простым стосам ворах ідэяў са спасылкамі на сайты ды 
абмеркаванні, збіральнік зацікаўленых, магчыма выражальнік стаўлення да 
іх прахожых наведвальнікаў; як варыянт -- зрабіць з'яднаным са сметнікам;
     9) артыкулы ўсякія -- хто мае што напісаць -- няхай піша; калі 
артыкулаў назбіраецца колькі-некалькі -- тады гэты раздзел можна будзе 
асобна структурызаваць, а калі няма што арганізоўваць -- дык і няма што 
арганізоўваць; беларускамоўны хабрахабр -- гэта іншая мара;
     10) абмеркаванні -- усе значныя абмеркаванні трэба выносіць да 
бачання незарэгістраванага наведвальніка без усялякіх рэгістрацыяў і тым 
больш пацверджанняў адміністратарамі. Можна глыбокія веткі хаваць ад 
чужых вочаў, а зрабіць асобную стужку, дзе змяшчаць асноўныя вынікі 
абмеркаванняў. Галоўнае -- каб матэрыял падносіўся відавочнай 
структурай, без непатрэбнага смецця, каб не прыходзілася занадта 
напружваць зрок і мазгі толькі для таго, каб на яго проста глядзець. 
Можна, напрыклад, паспрабаваць перанесці сюды абмеркаванне пра тэрміны з 
lj: тэмы павінны размяркоўвацца па ветках, па алфавіце, у кожнай ветцы ў 
загалоўку -- ангельскі тэрмін і яго бягучыя прынятыя пераклады, націснуў 
-- атрымаў поўныя азначэнні і сэнс тэрмінаў па-нашанску, прыклады ўжыцця 
перакладаў, ўсе іншыя прапанаваныя варыянты (можа нават і самыя 
недарэчныя), спіс паведамленняў, што прывялі да цяперашняга выніку; не 
спадабалася -- напісаў сваё, абгрунтаваў, усе падумалі і 
запісалі/незапісалі новы варыянт у загаловак. Чым больш варыянтаў -- тым 
лепш, бо некаторыя існуючыя словы недакладныя, непрыгожыя і нават 
непрыдатныя да ўжыцця. Тут патрэбны погляд з розных бакоў, у тым ліку з 
простага чалавечага, а зараз неяк бракуе погляду літаратурнага і 
гуманітарнага. Цяперашняя схема прыняцця новых тэрмінаў не надта 
адэкватная, таксама з ёй цяжка аспрэчыць прынятасці, а гэта неабходна, 
бо тут большасць прынятасцяў трэба лічыць толькі неканчатковымі 
варыянтамі. Ну, ды гэта іншая тэма.
     ледзь не забыўся, 11) праекты/групы. Магчыма, структура і знешні 
выгляд кожнага праекту павінны адпавядаць агульным патрабаванням 
іерархічнай арганізаванасці сайта, нейкім гайдлайнам -- напрыклад, 
паводле пададзенай нумарацыі. Тут пытанне: пляцоўка будзе планавацца 
пляцоўкай для паўнавартаснага функцыянавання мноства праектаў ці проста 
адлюстравання асноўных звестак пра мноства праектаў са спасылкамі на 
непасрэдныя праекты, у мэтах інфармавання, па адзінай старонцы на кожны 
праект? Гэта трохі розныя падыходы: мноства розных -- гэта занадта, перш 
лепш абмежаваць паўнавартаснымі толькі некаторыя 
перакладчыцка-моўна-слоўнікавыя праекты, а для астатніх (калі яны ёсць) 
рабіць  апісальныя старонкі -- па адной на кожны, а потым іх можна будзе 
як-небудзь групаваць па катэгорыях і асабліва цікавыя далучаць да 
пляцоўкі на паўнавартасных пачатках. Абы было што структураваць.

У свет самыя-прысамыя галоўныя навіны павінны выпраўляцца толькі рукамі, 
бо іх дзеля гэтага асобным чынам трэба складаць: не для наведвальнікаў 
пляцоўкі, а для ўсіх астатніх -- больш разгорнута і падрабязна, у нейкім 
сэнсе рэкламна; ды й надта часта, напэўна, гэта не трэба: адным разам 
можна ахапіць некалькі значных вынікаў (іх і без гэтага занадта шмат не 
будзе), а ведаць, што перакладзена яшчэ тышча радкоў вянды, нікому не 
цікава акрамя перакладчыкаў. Можна, канешне, завесці які-небудзь цюітар 
ці які блог у папулярным сацыяльным асяроддзі, аднак для такой пляцоўкі 
перадрукоўваць у шмат месцаў адное і тое ж не мае сэнсу. Але ўсё 
залежыць ад зместу і актыўнасці ўдзельнікаў. Толькі з часам, калі ўсё 
задзейнічае як след і пляцоўка будзе гатовая для прыходу навічкоў, можна 
будзе нешта думаць на гэтую тэму і пачынаць у вонкавы свет выкідаць 
інфармацыю, хоць нават у папяровую газету які-небудзь артыкул.

Ну, і першыя крокі мне падаюцца наступнымі. Зрабіць сайт, разгорнута і 
пакуль толькі для сябе агучыць на ім асноўныя мэты і задачы, зрабіць 
асноўныя раздзелы, акрэсліць шляхі; адкрыць адзін праект, апісаць яго, 
паспрабаваць папрацаваць з ім. Пакрытыкаваць, зрабіць вынікі, 
адрэдагаваць мэты і задачы, адрэдагаваць апісанне праекту, унесці змены 
ў раздзелы ды ў тэхнічны бок, паспрабаваць папрацаваць, пакрытыкаваць, 
зрабіць вынікі, адрэдагаваць, папрацаваць, пакрытыкаваць, зрабіць 
вынікі... Так з цягам часу можа і выйдзе нешта прыдатнае.

Дамен, канешне, пажадана на ўсё адзіны, і рэгістрацыя таксама адзіная.

А.А.

_______________________________________________
I18n mailing list
[email protected]
http://mova.org/cgi-bin/mailman/listinfo/i18n