Re: mounik.org: пляцоўка-"пар асон" для беларускіх пра ектаў у IT

А дзе я казаў, што трэба каб было незразумела? Зразумеласць -- гэта 
апрыёрна. І тое, што рэчы трэба называць сваімі назвамі -- гэта таксама 
апрыёрна. І пра функцыянальнасць інтэрфейсу ніякіх спрэчак ісці не можа. 
І, дарэчы, ці жыццё не гульня? А калі ў нашай мове проста няма такіх 
назваў і іх у любым выпадку трэба выдумляць? Патрэбны словы, якія ёміста 
ды трапна акрэсляць новыя вобразы, а да гэтых словаў дапасаваныя будуць 
азначэнні. Запазычанне і калькаванне тут -- самыя першыя варыянты, але 
яны хутчэй нараджаюць штучную мову. А чаму б да іх не паспрабаваць 
вырабіць некалькі вобразна-адрозных тэрмінаў? З наяўнай моўнай сыравіны, 
не з нуля ж -- катэгарычнае выдумлянне якасна новых словаў я не меў на 
ўвазе -- гэта, канешне, адзінкавыя выпадкі. З іншага боку такія спробы 
зварочваюцца ў вельмі сумную тэндэнцыю: "сіта" там дзе быў фільтар ці 
шматлікія варыянты перакладу "кукісаў" -- бянтэжаць. Але хто тады што 
нам выдумае, акрамя нас саміх? Ніхто: без таго літаратараў няшмат, а тут 
яшчэ глупствы нейкія кампутарныя. І -- галоўнае -- дзеля чаго ўсё гэта 
трэба, калі ўсё роўна мала хто будзе карыстацца такімі перакладамі? Чаму 
тады трэба выключаць натуральную прагу да эксперыментатарства? Чаму не 
паспрабаваць зрабіць дэмакратычна? І якія супярэчанні паміж 
дызайнерска-дзелякарыстальніцкім падыходам і зразумеласцю? Наадварот. 
Савецкая тэрміналогія грувасткая ды састарэлая, хаця ў свой час яна 
выконвала сваю ролю можа і добра. Я ж не кажу, што трэба на яе забыцца 
ды выкінуць. Але людзям карыстацца словамі, а яны не ўсе бюракраты; 
Замяцін тут для маляўнічасці: таталітарная мадэль навязвае ідэалогію не 
пытаючыся чалавека, робячы з яго робата, які будзе гэтай ідэалогіяй 
аддана служыць, адкуль вынік -- нецярплівасць да вольнадумстваў. Цяпер 
савецкага саюзу няма і выдумляць "народныя адзіныя праўдзівыя ісціны", у 
тым ліку і інтэрнацыянальную тэрміналогію, няма каму. Ёсць для нас добра 
распрацаваны вялікій і магучый, ёсць амаль што інтэрнацыянальная, 
зручная ангельская -- а ўсё астатняе толькі забавы і вольнадумствы. Ну 
возьмем тыя "налады": калі я кажу "наладка" -- я разумею дзею, а калі 
"наладкі" -- атрымліваецца як быццам шмат дзеяў наладкаў, выснова -- 
нешта не тое; калі я думаю пра "настаўленні" -- мне не падабаецца, што 
яго доўга выгаворваць і доўга набіраць, і карыстаю "налады" -- што з 
таго, што раней такога слова не было? Корань -- "лад" -- што ў ім 
наватарскага? Атрымаўся новы назоўнік "налада" -- чым не пераклад да 
"опцыі"? Ёсць жа "прылада" -- толькі прыстаўка змянілася. Ну, не 
дакладна, не па слоўніках, затое коратка і адназначна -- чаму гэты 
варыянт не мае права на жыццё? Зараз, у сучасным разбродзе, самыя ўмовы 
для гульняў ды эксперыментатарства (аднак жа, падкрэсліваю, не дурнога 
дзіцячага баўлення), бо цярпець гэта ўсё ледзьве магчыма і губляць ужо 
няма чаго. Быў бы я разважлівым чалавекам, а не дурным мазахістам -- не 
карыстаўся б беларускамоўнымі інтэрфейсамі, ды й годзе.



_______________________________________________
I18n mailing list
[email protected]
http://mova.org/cgi-bin/mailman/listinfo/i18n