Re: mounik.org: пляцоўка-"пар асон" для беларускіх пра ектаў у IT

> Гэта ж адтуль разважанні...
Адкуль адтуль?

> ...з жывой (!)...
Я б сказаў, што з ледзьве жывой.

Я ж не казаў, здаецца, нічога дрэннага наконт навукоўцаў. Яны не могуць 
быць заімшэлымі. Дакладней, нехта можа быць і заімшэлым, а нехта -- 
навукоўцам, гэта зусім розныя катэгорыі. І не меў я на ўвазе, што трэба 
сядзець ды выдумляць новыя значэнні безуважна да існуючага стану мовы. 
Кампутэрмаўскія абмеркаванні на тое ж і накіраваныя, каб выдумляць 
назвы. Дапасоўванне старых словаў да новых паняццяў усё роўна змяняе 
першапачатковы сэнс, ствараючы ўжо крыху іншы вобраз, спараджаючы новае 
значэнне. Я ж не кажу, што каня трэба назваць пеўнем і кропка. Няўжо ў 
мэтах абмеркавання перашкодзіць яшчэ некалькі дадатковых варыянтаў, 
свежых вобразных уяўленняў? Няхай яны будуць адкінутыя, але яны змогуць 
паўплываць на працэс, уводзячы элемент творчага хаасу, пашыраючы 
хістанні думкаў у розныя бакі ды дазваляючы толькі глыбей капнуць у тых 
самых кішэнях. Адно толькі, здаецца, што варыянты гэтыя выдумляць няма 
каму, да таго ж цяперашні наяўны жах гэткіх вопытаў толькі палохае. 
Цяперашняя методыка абмеркаванняў і вынікі мне, простаму чалавеку збоку, 
падаюцца ніяк не ідэальнымі. У любым выпадку словы павінны выпрабоўвацца 
жыццём ды ўжыткам, а не адносна кароткім абмеркаваннем адносна невялікай 
колькасці людзей. З чаго ж такая катэгарычнасць? Я, напрыклад, выдумаў 
пераклад слова "OK" і лічу яго вельмі добрым, трапным, жывым і 
беларускім: "Але" -- нешта гэта дрэнны варыянт?


_______________________________________________
I18n mailing list
[email protected]
http://mova.org/cgi-bin/mailman/listinfo/i18n