Ізноў пра слоўнік д ля спелчэкера

Вітаю!

Я пакрысе дапісваю свой слоўнік для праверкі правапісу
ў фармаце hunspell, і нядаўна дадаў усе (буду лічыць,
што ўсе, бо пропускаў папросту не бачу) словы з крыніцы
"Тлумачальны слоўнік беларускай літаратурнай мовы: Больш
за 65 000 слоў / Пад рэд. М.Р.Судніка, М.Н.Крыўко; - 4-е
выд. - Мн.: БелЭН, 2005. - 784 с."

У сувязі з чым і выклаў на старонцы праекта пазачарговую
версію 0.50

Спасылка для сцягвання:
https://sourceforge.net/projects/spell-be/files/

Старонка праекта:
https://sourceforge.net/projects/spell-be/

Прыстаўка для OpenOffice.org 3 / LibreOffice на сайце ООо:
http://extensions.services.openoffice.org/en/project/dict-be

У праекта ёсць спіс рассылкі

https://lists.sourceforge.net/lists/listinfo/spell-be-user

і форум:

https://sourceforge.net/projects/spell-be/forums

Хацелася б заахвоціць усіх падпісацца і/ці якім яшчэ,
зручным для вас, спосабам, пакінуць свой водгук.

Як вы ўжо ведаеце, асноўнымі якасцямі, якія адрозніваюць
мой слоўнік ад астатніх, з'яўляюцца:

* Ужыванне папяровых слоўнікаў у якасці крыніц (з асобным
  дадаткам слоў, якія адсутнічаюць у выбраных крыніцах,
  памер гэтага дадатку параўнальна невялікі - 1449 радкоў
  пры агульным памеры слоўніка 81734 радкі);
* Асэнсаваныя прапановы для найбольш пашыраных памылак
  (напрыклад, даць прапанову "войскаў" для памылковага
  напісання "войск", ці "афіцыйны" для "афіцыяльны" можа,
  наколькі я ведаю, толькі мой слоўнік);
* Кампактны памер, і, як вынік, хуткасць працы, дасягнутыя
  шляхам ужывання афіксаў для ўсіх зменных часцін мовы.

Правапіс - бягучы афіцыйны; большасць змяненняў,
адлюстраваных у "Слоўніку арфаграфічных новаўвядзенняў
беларускай мовы / Т.М. Маракуліна, І.Л. Капылоў, - Мінск :
Современная школа, 2011. - 96 с." ужо знайшлі сваё месца ў
маім праекце.


-- 
З найлепшымі,
Мікалай Удодаў <[email protected]>

_______________________________________________
I18n mailing list
[email protected]
http://mova.org/cgi-bin/mailman/listinfo/i18n