Re: Flytting av KDE-omsettingsfilene til KDE

Karl Ove Hufthammer skreiv 12. sep. 2016 21:56:
> Frå KDE si side har det nyleg komme forslag/ønske om at me i staden 
> for å ha vårt eksterne/lokale SVN-depot skal bruka KDE-depotet 
> direkte. Dette vil gjera nokre tekniske ting enklare.

Fekk aldri nokon protestar på dette, so frå og med *no* er 
KDE-omsettingsprosjektet for bokmål, nynorsk og nordsamisk offisielt 
flytta til SVN-depotet for KDE!

Eg vil framleis halda fram som omsettingskoordinator og

 1. Oppdatera omsettingsfilene med dei siste endringane frå
    KDE-programma/-biblioteka (regelmessig eller etter behov).
 2. Tilbakeføra omsettingane til dei (per dags dato fire) ulike
    versjonsgreinene av KDE-programma/-biblioteka, slik at dei vert med
    i nye/oppdaterte program som vert gjevne ut.
 3. Utføra ulike vedlikehaldsoppgåver i samband med dette.
 4. Svara på spørsmål og hjelpa både gamle og nye omsettarar.

Ta kontakt med meg viss du vil bidra i omsettingsarbeidet.

Nokre praktiske opplysningar: Me vil framleis halda fram å bruka 
«summit»-arbeidsflyten, som dramatisk forenklar mengda arbeid som må 
gjerast (enkelt sagt kan me støtta fire ulike versjonsgreiner av eit 
program samtidig, frå éi kjeldefil). Dette medfører at alle omsettingane 
*skal* gjerast i mappa trunk/l10n-support/språkkkode (der «språkkode» er 
nn, nb eller se); sjå for eksempel 
https://websvn.kde.org/trunk/l10n-support/

Eg har overført dei mest nyttige skripta våre til mappa 
trunk/l10n-supprt/nn/skript. Hos KDE har me ikkje ei fellesmappe for 
alle dei tre skriftspråka våre, so eg valde å legga filene i 
nynorskmappa. Eg vil sletta dei tilsvarande mappa i Skulelinux-depotet 
etter ein del testing for å sikra at alt fungerer som det skal.

Har dokker spørsmål, spør her på lista eller med e-post direkte til meg.

-- 
Karl Ove Hufthammer