Flytting av pikslar

I GIMP 2.10 kjem det eit verktøy kalla "Warp". Eg har (førebels) sett 
det om med «forvrenging». Kanskje «deformering» er betre? (Ordet warp 
kjenner eg elles berre frå trevare: planka «slår seg»).

Av og til kan verktøyet hente inn eller sende ut pikslar utføre biletet. 
Pikslar som blir henta utføre biletet blir normalt gjennomsiktige, men 
eg kan også velja å bruke
1. farge frå den næraste pikselen innføre biletet
2. farge frå motsett kant av biletet.
I valet 2 vil for eksempel ein farge som fell utføre biletet på høgre 
sida, dukke opp på venstre sida.
I originalen er valet 1 kalla "Clamp" og valet 2 kalla "Loop".

Eg meiner å ha sett omsetjingar av /diskusjonar om dette «fenomenet», 
men greier ikkje å finne ut kvar. Kanskje fordi den engelske teksten har 
brukt andre ord?
Håper nokon kan hjelpe.
Helsing
Kolbjørn

_______________________________________________
E-postlista i18n-no
[email protected]
https://lister.ping.uio.no/mailman/lister.ping.uio.no/listinfo/i18n-no