Samiskomsettinga av KDE

Ser det har vore nokre oppdateringar av samiskomsettinga av KDE i det 
siste. Det er bra. Viss det held fram, kan me nok ein gong få sjå KDE på 
dette språket.

Som de kanskje veit, er KDE no inne i ein strengfrys-periode. Det vil seia at 
det (med kanskje nokre få unntak) ikkje vert lagt til nokon nye tekstar å 
setta om før KDE 4.2, som skal vera ferdig rundt 20. januar:
http://techbase.kde.org/Schedules/KDE4/4.2_Release_Schedule

For at nordsamiskomsettinga skal vera med, må tre ting skje:

1  Alle syntaksfeila i filene må rettast opp (sjå e-postane
   «Syntaksfeil i samiskomsettingar» som regelmessig vert
   sende til lista). Eg verken vil eller kan senda inn omsettingane
   til KDE med mindre desse vert retta.

2  Omsettinga må oppfylla minstekrava nemnt her:
   http://l10n.kde.org/stats/gui/trunk-kde4/essential/
   Nordsamisk oppfyller no to av fire krav (krava står
   nedst på sida og i kolonneoverskriftene).

3  Etter at krava er oppfylte, må nokon skriva til 
   I18N-lista til KDE og be om at nordsamisk vert
   teken opp att. Det kan eventuelt eg gjera om nokon
   ber meg.

Alt dette bør skje snarast mulig, og i god tid før 20. januar.

-- 
Mvh.
Karl Ove Hufthammer
http://blogg.huftis.org/
E-post og Jabber: [email protected]

_______________________________________________
i18n-sme mailing list
[email protected]
https://lister.ping.uio.no/mailman/lister.ping.uio.no/listinfo/i18n-sme