Deklaro pri Esperanto fare de Esperanto Radikala Asocio (Italio)

*Saluton al chiuj. Tiu chi estas la lasta deklaro de Esperanto Radikala
Asocio rilate al Esperanto, Esperantismo kaj al la lingva problemo
tutmonde. Ni esperas ke tio interesu al vi!*

*Amike*

*Esperanto Radikala Asocio
*


**

*Lingva demokratio: desubismo kaj desuprismo estas senvalorighintaj
kategorioj, la shlosilvorto estas “strebi al la koro” de la problemo.*

«Ne temas plu pri desuprismo au desubismo, necesas prefere iri al la radiko
de la internacia lingva problemo». Giorgio Pagano, Sekretario de Esperanto
Radikala Asocio, intervenas en la senfina debato inter “desuprismo”,
konvinko, lau kiu oni devas enkonduki Esperanto de supre, pere de politikaj
decidoj pli au malpli impostaj, kaj “desubismo”, ideo, lau kiu Esperanto
devas disvastighi tra la civitana socio pere de movado de sube, kiu
kondichu ankau la politikajn elektojn.

«Kun la premiso, ke desuba movado ne maleblas desuprajn politikajn
decidojn, kaj inverse, la urgheco kaj neceso de Internacia Lingvo por
Federacia Europo ne povas esti plu prokrastita flanke de tiaj debatoj,
eksteraj al la nuna dimensio de la problemo.

Oni necesas konstati, ke plurlingveco, kiun Europa Komisiono paradas kaj
pri kiu insistas ankau Europa Esperanto Unio, praktike solvighis per
trudordono de la nura kaj sola angla lingvo.

Tio okazas kaj en la labormerkato, kiu ofte suferas de manko de jura
reguligo pri lingvoj kaj lingvaj rajtoj, kaj, ech pli serioze, en la kadro
lerneja kaj eduka, kie la rekomendoj de la Komisiono al trilingveco daure
estas ignoritaj favore al la enkonduko de la frutempa lernado de la angla
en bazaj lernejoj kaj de universitataj kursoj nur en la angla. Tiuj chi
estas politikoj de la tri lastaj italaj ministroj pri Instruado, Moratti,
Gelmini kaj Profumo, kiuj klopodas igi akcesora la italan lingvon, kaj
nepre necesa la anglan lingvon, senzorgaj pri diskriminacio kaj perdo de
agadsfero, kiuj el tio originas.

«La problemon, ekonomian, demokratan, socian kaj de egalaj shancoj, oni
devas solvi che ghia radiko. Esperanto devas ighi oficiala Federacia Lingvo
de la Unuighintaj Shtatoj de Europo, parolata de la civitanoj kaj de tiuj,
kiuj prenas politikajn decidojn. Tiu chi estas LA vojo por gardi la
lingvajn kaj kulturajn diversecojn kaj samtempe por dialogi egalece kaj
demokrate inter liberaj popoloj kaj homoj.

Esperanto federacia lingvo europa: tiu estas la slogano-objektivo, kiun
chiuj esperantistoj devas ripeti chie, kvazau estus mantro. Al tiu celo ili
devas doni politikajn krurojn sen delegi al aliaj, kaj ne farante la saman
eraron de la Europa Federalisma Movido, kiu rezignis al eniro en la
politika areno», konkludis Giorgio Pagano.

-- 
 --------------------------------------------------------
Associazione radicale "Esperanto"
Italia: Via di Torre Argentina 76 - Roma 00186
Tel.0668979311 Fax: 0623312033 cell. 3490857976
Belgio: 54 Rue du Pepin - B-1000 Bruxelles
USA: United Plaza, Suite 408 - 10017 New York
www.democrazialinguistica.it