11-a NR: Ĝis nun 111 aliĝintoj el 11 land oj :-)

Saluton!

Ĉi-jarfine okazos la jam 11-a Novjara Renkontiĝo (NR) de EsperantoLand 
en Xanten, Germanio (inter Düsseldorf kaj Nijmegen). Estos unu semajno 
de bela internacia kunestado, de la

    27-a de decembro 2012 ĝis la 3-a de januaro 2013 (ĵaŭdo ĝis ĵaŭdo)


        11-a NR: Ĝis nun 111 aliĝintoj el 11 landoj

Intertempe aliĝis jam 111 homoj el 11 landoj al tiu ĉi 11-a NR - jes 
estas ĝuste tiom aktuale, vere :-))) Bela internacia miksaĵo - 36 el 
Germanio, 27 el Belgio, 15 el Francio, 9 el Svislando, 8 el Nederlando, 
5 el Hispanio, 5 el Luksemburgio... Aliĝis jam 40 infanoj kaj junuloj 
ĝis 19 jaroj.

Se vi volas vidi, kiu venos, jen la listo de la plej multaj aliĝintoj,
http://www.esperantoland.org/nr/partoprenantoj_nr11.php . Sube la 
aĝostatistiko.
Kaj jen la listo de junuloj kaj junaj plenkreskuloj, por kies deziroj 
ekzistas la programeroj de la Novjara Internacia Semajno (NIS),
http://www.esperantoland.org/nis/partoprenantoj_nis4.php .


        Tri koncertoj, kursoj, prelegoj, ekskursoj ...

Ĉi-foje estos tri koncertoj, de Tone, JoMo kaj de Patrik (de la grupo 
Dolĉamar). Estas krome jam listo de dudeko da kursoj kaj prelegoj, kiun 
vi povas vidi ĉe
http://www.esperantoland.org/nr/#programeroj_anoncitaj . (Aldoniĝos al 
la tie videbla programo certe deko da specialaj ofertoj por infanoj kaj 
junuloj kaj pliaj programeroj por plenkreskuloj.)

Ni faros ekskurson al la Arkeologia parko de Xanten 
<http://www.apx.lvr.de/> , kiu memorigas ĉefe pri la romia historio de 
la urbo, kaj certe iom plu esploros la regionon.

Ĉion ĉi preparas por vi la sperta teamo de Christoph Frank, Betti 
Maul-Propadovic kaj Nicky Janssen - kun multaj tre afablaj helpantoj. 
Grandan dankon al ĉiuj!


        Lerni Esperanton en EsperantoLando

Kompreneble estos lingvaj kursoj por komencantoj kaj progresantoj kaj 
konversacia rondo - por iom subteni la lingvo-lernadon en EsperantoLando.


        "Belega loko"

Tion almenaŭ asertas André Müller: "Estas BELEGA loko! La IS antaŭ 
kelkaj jaroj iam estis tie kaj ĝi estis unu de miaj plej ŝatataj 
junulargastejoj en Germanio. Mi do povas rekomendi ĝin." Nu, kial ne 
sekvi tiun rekomendon?! (Kaj eble legu pliajn komentojn sur la 
Facebook-paĝo https://www.facebook.com/events/276382699102901/ kaj eble 
mem skribu tie.)


        Venontdimanĉe: Fino de aliĝperiodo

Ĉu ĉio ĉi sonas alloge al vi? Nu, ne tro hezitu - ni iom ŝovis, sed 
venontdimanĉe, je la 7-a de oktobro, tamen finiĝos la aktuala aliĝperiodo.

Aŭ ĉu vi havas ankoraŭ demandon? Volonte mi respondos al vi :-)

Ĉion plej bonan al vi, ĝuu la vivon

Lu

-- 
Lu Wunsch-Rolshoven

EsperantoLand
Internaciaj ferioj
http://www.esperantoland.org

PRINTEMPE
SOMERE
Novjara Renkontiĝo (NR)
Novjara Internacia Semajno (NIS)

Esperanto-libroj http://www.esperantoland.org/eo/libroj/