Karaj esperantoj-turistoj,
La organizantoj de la Itala Kongreso devas elekti temon ne pro merkatikaj motivoj, sed pro soci-organizaj.
Chu la demando pri italeco au mediteraneco de la estonta kongreso de IEF estas parto de iu nova vento en Italujo?
Chu tiu vento estas geo-politika vento au Esperanto-politika vento?
Chu italaj organizantoj volas doni signalon, ke la (kunlaborado kun la) landoj de Meza Maro estontece decidos la politon de IEF?
Al kio apartenas Italujo, estonte-strategie, kiom koncernas Esperanton?
En si estas aprezinde, ke italaj esperantistoj volas rigardi transsiaj limoj. Italujo feliche havas malferman landan asocion,
ne kiel multaj aliaj landaj asocioj, kiuj fermas siajn landlimojn por eksterlandanoj, konforme al (aliaj) shtatoj kiuj konstruas kradmurojn kontrau rifughintoj.
Sed anstatau merkatikan motivon mi shatus vidi iun konvinkon de ghuste la Italoj, ke ILIA interna ideo ne haltas che la landlimo,
ekzemple ke ili serchas aliancajn popolojn, kun kiuj ili interkonsentas intensan kunlaboradon: literatur-traduke, lernej-intershanghe, urbo-ghemele,
intencite kaj planite en sia laborplano. Landoj jam ekde la greka kulturperiodo havis kontinentvastajn kontaktojn. Poste Italujo havis koloniajn ligojn
kun Libio, Albanujo, Etiopujo.. Se esperantistoj – char mi ne direktighas al la organizantoj de la IEF-kongreso, char mi malamas ghin
(kiel vershajne Renato Corsetti asertos), sed char mi amas ghin - kaj nerekte mi direktighas al chiuj organizantoj de naciaj kongresoj.
Pro tiu amo mi kritikas la aperte merkatikan aliron al la varbado de kongresontoj. Ne la mezmara strando au la muziko estu la chefa altirajho,
sed la espero de la esperantoj en mondo, kie la memprotektismo daure pli gajnas kaj anstatau politike reagi multaj esperantistoj regas per indiferentismo, senespero.
Memoru la (naivajn) klopodojn de Lejzer Zamenhof, la diplomatajn strechfarojn de Edmond Privat, la kuraghajn, kvankam foje mistonajn mobilizadojn de Lapenna.
Johan Derks
Subject: INFORMITALE 2008 Ĉu itala Esperanto-kongreso aŭ mediteranea kongreso? - Itala Esperanto-Kongreso, 2017 08 26/09 02 - Herakleo, Policoro, Matera
*********************************************************
INFORMITALE 207
Oficiala inform-servo de Itala Esperanto-Federacio
Ĉu itala Esperanto-kongreso aŭ mediteranea kongreso? http://kongreso.esperanto.it/84/bonvenon.htm
Malfacilas diri. Ni provas per la kongresa temo "Kulturo kaj komunikado en Eŭropo" devigi Eŭropon retrovi siajn mediteraneajn radikojn, kiujn ĝi verŝajne forgesis. La kongreso okazos en unu el la centroj de la greka kulturo en la antikva tempo. Sed krom tio okazos programeroj specife dediĉitaj al kunlaboro inter esperantistoj ĉirkaŭ la Meza Maro, se ni volas uzi la nomon laŭ kelkaj grandaj lingvoj de ĉi tiu regiono.
Se vi loĝas en marborda lando de ĉi tiu maro, bonvolu proponi prelegojn kaj programerojn pri via lando kaj pri la kunlaboro inter esperantistoj de ĉi tiu regiono. Skribu al [email protected] kaj proponu.
Kompreneble vi ankaŭ rajtas partopreni kaj ne prelegi sed ĝui prelegojn, muzikajn programerojn en Esperanto kaj ekskursojn.
Rigardu la paĝon http://kongreso.esperanto.it/84/bonvenon.htm kaj aliĝu. Vi estos ĉe vi. Bonvenon hejmen!
La LKK
*********************************************************
Informitale
Itala Esperanto-Federacio - <[email protected]>
Itala Esperantista Junularo - <[email protected]>
via Villoresi, 38 I-20143 Milano - Tel+fax +39 02 58100857
http://www.esperanto.it/
lmpx.com only provides a reader for public news (NNTP) servers. It is not
affiliated with the servers or forums shown here and is not responsible for
the content of articles, which is written by their respective authors.