INFORMITALE 224: Vi devas esti juna, almenaŭ spirit e, por aliĝi al la Kongreso de Esperanto en Italujo, 18/25- 08-2018
"Ufficio Stampa - Federazione Esperantista Italiana [email protected] [esperantodk]" <[email protected]> Sun, 4 Mar 2018 09:16:46 +0300
| Newsgroups | gmane.culture.language.esperanto.denmark,gmane.culture.language.esperanto.britain |
|---|---|
| Message-ID | <CAHVJZBFanrHSg_a33M6Aso6Vx7cOV1eF3HM_mR8jW8Ua5RMrEA@mail.gmail.com> |
********************************************************* INFORMITALE 224 Oficiala inform-servo de Itala Esperanto-Federacio Vi devas esti juna, almenaŭ spirite, por aliĝi al la Kongreso de Esperanto en Italujo, 18/25-08-2018 Ni ne diskriminacias kongresanojn laŭ la aĝo, sed vi konsciu, ke nia kongreso havas fortan junularan parton, kiun neniu estas devigata partopreni, sed kiun ĉiuj volas partopreni. Spirita juneco estas bezonata por tio. Unue estos la tiel nomata "trinka-manĝa nokto". Ĉiuj partoprenantoj provizas tipajn manĝojn el sia lando kaj kune oni formanĝas ĉion. Rakonti ŝercojn kaj ridi je ili estas parto de la nokto. Sekvos poste nokta promenado tra Sanmarino. Oni rajtas elfali el la komuna promenado kaj daŭrigi duope, kiam ajn. Trezor-ĉasado estas programo, kiu ne povas okazi nokte [nokte ĉiuj trezoroj estas grizaj, diras la diraĵo], kaj do tenos vin okupata dum mateno aŭ posttagmezo. La premio konsistos el la rajto trinki vinon senpage kaj senlime dum la programero "Vingustumado", kiu, laŭ la nomo, konsistos el gustumado de loka vino [en Italujo ĉiu vilaĝo scias, ke la propra vino estas la plej bona en la lando. Sanmarino el tiu vidpunkto etas nur itala vilaĝo kaj ne sendependa lando.] Ni parolu ankoraŭ pri unu junulara programero: foto-konkurso [fotoj ankaŭ per poŝtelefono permesataj] pri difinota temo, ekzemple "la interna ideo". Fine de la semajno la plej belaj fotoj pri la temo estos elektataj kaj premiataj. Nun vi verŝajne jam komprenis, kial vi sendepende de via aĝo devas aliĝi al la Kongreso de Esperanto en Italujo, kiu okazos de la 18-a ĝis la 25-a de aŭgusto 2018. Iru tuj al la paĝo http://kongreso.esperanto.it/85/modulo.htm kaj aliĝu. La LKK ********************************************************* Informitale Itala Esperanto-Federacio - <[email protected]> Itala Esperantista Junularo - <[email protected]> via Villoresi, 38 I-20143 Milano - Tel+fax +39 02 58100857 http://www.esperanto.it/