Informitale 232 - Kial diable mi devus iri al Triesto por partopreni la Italan Esperanto-kongreson?

*********************************************************
INFORMITALE 232
Oficiala inform-servo de Itala Esperanto-Federacio

Kial diable mi devus iri al Triesto por partopreni la Italan
Esperanto-kongreson?

Ni komencu de la komenco. En venonta augusto de la 24-a ghis la 31-a okazos
la kutima internacia Itala Kongreso de Esperanto en Triesto,
https://kongreso2019.esperanto.it/86/.

Se vi konas la koncepton Meza Europo/Mitteleuropa, vi devus iri pro tio,
char Triesto estis la plej okcidenta urbo de tiu regiono kaj la austra
imperiestro estas ankorau rigardata same ame kiel oni rigardas al la propra
avo. 50 jaroj da itala regado nur sukcesis komprenigi, ke estis io tre bona
en la malnova mezeuropa ordo.

Sed se vi shatas la novan koncepton pri Europa Unio, vi devos partopreni
tiun kongreson ankau pro tio, char tie vi renkontos la estrojn de Europa
Esperanto Unio, kiuj prelegos pri pluraj aspektoj de la nuna europunia
situacio fronte al la nova mondo regata de grandaj potencaj landoj, che
kiuj EU devas aserti sin. Tute aparte unu evento traktos la europan
politikon pri instruado de fremdaj lingvoj en la shtatoj de EU. Chu estos
pli bona okazo por starigi komunan strategion por Esperanto en EU?

Evidente vi havos problemon elekti viziti la kongresan urbon mem au
partopreni la ekksursojn, kiuj portos vin ankau al Slovenujo. Bonvolu
rigardi chi tiun paghon por konstati la malfacilajhojn de la elekto:
https://kongreso2019.esperanto.it/ekskursoj/.

Tamen ne pensu tro multe! Regalu vin per la internacia Itala kongreso:
https://kongreso2019.esperanto.it/aligxilo/

La LKK
*********************************************************
Informitale
Itala Esperanto-Federacio - <[email protected]>
Itala Esperantista Junularo - <[email protected]>
via Villoresi, 38 I-20143 Milano - Tel+fax +39 02 58100857
http://www.esperanto.it/