Xhumaja e parë në Prishtinë

*Xhumaja e parë në Prishtinë*

* *

*Hamdi Nuhiju, 01.07.2011*

* *



Namazi i xhumasë është obligim hyjnor për secilin mysliman që ka arritur
moshën e pubertetit. Ai përjashton gratë....!!! Ai njeri që nuk e falë atë,
hy në kategorinë e grave,  dhe pa asnjë fije turpi,  mund të themi se nuk e
meriton të jetë pjesë e identitetit-burrë.

Në xhuma përfshihen shumë simbolika, lutje dhe vlera të cilat janë të
pakontestueshme në raportin shoqëror në nivel horizontal njeri-njeri dhe në
nivelin vertikal njeri-Zot. Por,  ky shkrim,  nuk paraqet pikëpamjet fetare
mbi xhumanë dhe rëndësinë e saj. Më shumë paraqiten disa refleksione
konkrete të një udhëtimi konkret, për një kërkesë konkrete, të një
komuniteti konkret. Këtu abstraktja nuk ka kuptim dhe peshë....!!!

Kërkesa e besimtarëve mysliman të Prishtinës dhe të Kosovës në tërësi, për
një xhami të madhe në Prishtinë është njëra prej kërkesave më legjitime deri
më tani. Ajo është e shprehur qysh në kohëra të luftës në Kosovë, por edhe
pas saj. Por, asnjëherë nuk është marr seriozisht nga ana e pushtetarëve të
Komunës së Prishtinës, por edhe të Kosovës në përgjithësi. Kërkesa filloi të
bëhet më e zëshme pas ndërtimit të Katedrales Politike në qendër të
Prishtinës, duke mos pasur gati asnjë katolik në Prishtinë, me përjashtim të
servilëve shqiptar të katolicizmit.

Xhamia nuk është reflektim i katedrales, dhe as inati i saj, por është e
drejtë esenciale e cila duhet vendosur me përmasa dhe trajtim të njëjtë si
katedralja. Përderisa gjendet një Kishë Ortodokse e Madhe në Prishtinë, një
Katedrale Gjigante në Prishtinë, duhet që të ekzistojë edhe një Xhami
Grandioze në mes të Prishtinës. Përndryshe nëse arsyetohemi se ekzistojnë
shumë xhami të vogla në Prishtinë dhe një Katedrale e Madhe dhe një Kishë
Ortodokse e Madhe atëherë ne bëhemi të padrejtë ndaj fizionomisë dhe pamjeve
reale të qytetit të Prishtinës.

Ne mund të bëhemi realist dhe të themi se jemi kundër Katedrales së tillë
dhe Kishës ortodokse së tillë në mes të Prishtinës, pa pasur nevojë për to.
Përderisa nuk ekzistojnë besimtar katolik dhe ortodoks që i vizitojnë ato dy
tempuj, atëherë nuk ka nevojë vetëm për ndërtesa, pasi që ndërtesat pa
njerëz janë ndërtesa politike e asesi religjioze dhe të arsyeshme. Toleranca
fetare tek besimtarët mysliman shqiptarë ka bërë që të ekzistojë dhe në
heshtje të pranohet edhe ajo Katedrale dhe Kishë ortodokse në mes të
Prishtinës.

Kërkesa për një Xhami të Madhe në Prishtinë është kërkesë jo vetëm e
besimtarëve mysliman të Kosovës, por edhe e besimtarëve mysliman të
Shqipërisë, Maqedonisë e diasporës. Mendoj se duhet ngritur edhe një
Këshillë mbarëkombëtar që merret kryesisht me gjëra të tilla. Nuk po them
Akademi, në nivelin e boshnjakëve të Bosnjës dhe Sanxhakut, por një
Këshillë, që kujdeset për artikulimin e kërkesave të drejta dhe qëndrimin
pas atyre kërkesave deri në realizim të tyre.

Rastet janë të ngjashme si në Prishtinë, si në Shkup dhe Tiranë.
Diskriminimi ndaj besimtarëve mysliman në këto tre kryeqendra shqiptare
është gati se i njëjtë. Besimtarët mysliman në Maqedoni ishin të gjithë
bashkë me kërkesën e tyre për rindërtimin e Burmali Xhamisë. Jo që Shkupi
nuk kishte xhami, por ngaqë sheshi i Shkupit filloi që të sllavizohet dhe
edhe beteja e fundit për ruajtjen e një cope të Shkupit me identitetin tonë,
po fillon që të shembet dhe shkatërrohet.

Besimtarët mysliman të Tiranës dhe Shqipërisë definitivisht kishin nevojë
edhe për nja dyzetë xhami të vogla në Tiranë dhe një Xhami të Madhe. Atje
edhe jo rastësisht u politizua çështja e Xhamisë së Madhe duke i mashtruar
besimtarët mysliman të Tiranës me vetëm një xhami të madhe dhe jam i sigurt
me mosdhënien leje për ndërtimin e shumë xhamive të vogla në Tiranë. Në
Tiranë, për dallim prej në Shkup, duhet që të ndryshojë qasja për ndërtimin
e Xhamisë së Madhe. Atje përveç pranimit të kërkesës për ndërtimin e Xhamisë
së Madhe në Tiranë, duhet që të hapen edhe shumë nënkuptime në mesin e
besimtarëve mysliman të Tiranës, për ndërtimin e më shumë xhamive të vogla
në një afat të mesëm, për plotësimin e kërkesave reale të besimtarëve
mysliman të Tiranës.

Prishtina ka dallim prej Shkupit dhe Tiranës. Ndoshta rasti duket i ngjashëm
me Shkupin, por nuk është i njëjtë ngaqë shumica e qytetit të Prishtinës
janë të komunitetit mysliman, ndërsa ekziston një numër simbolik i të
tjerëve që nuk janë mysliman.

Edhe pse Prishtina ka një shumicë të tillë, prapë se prapë nga fuqi të
ndryshme ndërkombëtare të jashtme, dhe të brendshme, po iu imponohet një
identitet me katedrale, kisha, homoseksualizëm, etj. Lufta në Prishtinë, për
mbrojtjen e identitetit kombëtar dhe fetar duhet bërë ndryshe prej luftës që
bëhet në Shkup e Tiranë.

Atje, shumë organizata jo qeveritare u bashkuan në një lëvizje të quajtur
Bashkohumene. Kjo lëvizje sipas shumë njohësve të rrethanave në Kosovë, për
aktivitetet e saja të fundit ka edhe mbështetjen e Myftiut të Kosovës z.Naim
Tërnava dhe të Bashkësisë Islame të Kosovës.

Edhe xhumaja ime e parë në Prishtinë, ishte në një xhuma proteste të
organizuar nga kjo lëvizje, në sheshin e Prishtinës. Aty në mesin e mbi
10.000 besimtarëve mysliman gjendesha edhe unë duke dëgjuar hytben e xhumasë
dhe duke kryer edhe ritet ndërlidhëse. Në mes tjerash imami i kësaj xhumaje
Fatos Rexhepi tha:” Gjendemi këtu, në këtë ditë të madhe, në këtë vend të
madh, me këtë numër të madh njerëzish, nga këto njerëz të mëdhenj, për një
kërkesë, PËR NDËRTIMIN E XHAMISË SË MADHE NË PRISHTINË...”

Emocionet e mia që lindën pas atyre fjalëve, nuk mund që të përshkruhen me
fjalë. Por, lus Zotin që kërkesa e besimtarëve mysliman të Kosovës për një
Xhami të Madhe në shesh të Prishtinës, të realizohet në realitet. Shpresojë
që Zoti të mos ma marre shpirtin pa e falur së paku një namaz në Xhaminë e
Madhe në Prishtinë, në Xhaminë e Madhe në Tiranë, dhe në Burmali Xhaminë
tonë aq të dashur dhe aq të nevojshme. Amin.