I madhi i tyre

*I madhi i tyre*

*Hamdi Nuhiju*



Shkruaj pa presje, nëse dëshiron që të vendosh pikë. Ti nuk mund të jetosh
pa pikë, po qe se presja të pengon në artikulimin dhe orientimin tënd drejtë
dritës, dhe jetës. Gabimi është gabim, i bërë edhe para miliona vitesh, i
bërë edhe para dy sekondash. Shumëçka na nxjerr jashtë njerëzores për tu
shndërruar në krijesa jo njerëzore. E gjithë filozofia e mahnitjes kërkon
nga ne që të mos mitimizojmë e as të mitimizohemi për të drejtat dhe
kërkesat tona. Mund të hasësh në një shkrim shumë real, për një problematik
shumë reale, e kupton politikën ditore përmes tij. Asnjëherë nuk mund të
thuash se ke të drejtë të akuzosh verdiktin e dijes që ta hap logjikën
drejtë horizonteve të pafundme. Në pikëpyetje është edhe ky konstatim. Fjala
bëhet e zhvlerësuese nga mediumet që dinë ta zhbirërojnë atë. Sikur kërkesa
e një të drejte të një komuniteti është kërkesë individi. Në këtë luftë të
pakuptimtë midis pushtetit, mediumeve dhe kërkesave të besimtarëve, gjenden
edhe ndjenjat e secilit gufim të aty për atyshëm për një ndryshim të
gjendjes sonë. Për ndryshimin e duhur, relevata hyjnore aktualizoi secilën
periudhë historike dhe vlerën e njeriut e ngriti në përmasa të përtej kohës.
Arsyeja nuk mund të ketë zë, po qe se ankesat tona gjithmonë janë të
drejtuara në drejtim të gabuar.

Sidoqoftë nevoja për të jetuar me Zotin, është më e madhe sesa nevoja për ta
thithur ajrin. Fytyrat e njerëzve zbulohen e hegjemonizohen në bërjen e
provave dhe testeve praktike të besimit dhe zemrave të tyre. Fytyra a nuk
është reflektim i zemrës? Dhe, zemra, a nuk është reflektim i shpirtit të
njeriut? E shpirti simbol i ekzistencës? Ekzistenca nevojë dhe domosdoshmëri
e lutjeve? Lutjet përgjërim drejtë Zotit? Zoti fillimi dhe fundi për
ekzistencën?

Caku dihet, por mjetet nuk duhet arsyetuar rrugën. I madhi i tyre i
shkatërroi putat, pyeteni atë. A nuk është kjo filozofi e nënshtrimit tonë
të përjetshëm ndaj Zotit? Apo ndoshta në terminologjinë e përditshme duhet
që të ekzistojë edhe Islam minimal, liberal, e ekstrem? O Zot, çka janë këto
terme të pa baza të nxjerra nga njerëz që sot janë reflektim i popullit për
popullin? Budallakia njerëzore a ka skaj?

Ekziston vetëm një vijë e hollë ndërmjet budallakisë dhe mençurisë.... I
madhi i tyre i shkatërroi putat, pyete atë dhe mos harro të më përgjigjesh.
A ekziston veza për pulën, apo pula për vezën? Deri kur do të përshkruajmë
çmendinë tonë me vezën dhe pulën e pafajshme?

Ne harruam, u dobësuam, dhe na u errësua mendimi. Babai ynë, Ibrahimi a.s.,
kur ishte i ri, i nënshtroi të gjitha filozofit e kohës së tij me
konstatimin se ‘I madhi i tyre i shkatërroi putat, pyeteni atë...’

Këtë reflektim na nxjerr në shesh shumë bukur Amër Halid:” Shiko Ibrahimin
a.s. kur i shembi idhujt dhe la të madhin e tyre e në të vari çekanin, pasi
erdhi populli i tij, e pyetën:” Kush e ka bërë këtë? Kush i shembi këta
idhuj?” Ibrahimi a.s. tha:” Nuk e di, pyeteni të madhin e tyre, ai e ka bërë
këtë.” Ata ulën kokën e tyre, ngase ata e dini se këta idhuj janë gurë që
nuk flasin.”( Unë po krijoj në tokë një zëvendës, Shkup, 2010, f.155)

Po, i madhi i tyre, i ndërtuar nga duart e tyre, për synimin e tyre, për të
shembur dhe shuar dritën e Krijuesit të Gjithësisë. Ajo botë ishte shumë e
hershme, disa njerëz me terma bashkëkohor mund ti thonë botë primitive. A
tolerohet një primitivizëm i tillë edhe më tej? Ndoshta është caktim i
Allahut që të kuptojmë rëndësinë e mesazhit dhe thirrjes në atë mesazh nga
ana e Ibrahimit a.s.

Duhet që të jemi të qëndrueshëm në këtë rrugë të vështirë. Kemi të bëjmë me
njerëz primitiv që vet ndërtojnë putat dhe idhujt e tyre, dhe në fund i
hyjnizojnë e në emër të tyre nisin luftë kundër sexhdes.

I madhi i tyre, ai puti i madh, ka shkatërruar putat e vegjël, pa marrë
parasysh se sa mundohen që njerëzit e sexhdes ti paraqesin në këndin
humoristik.

Për njërën prej kërkesave fisnike, një përfaqësues i të drejtës tha:” Edhe
unë falem, dhe edhe në këtë vend ka edhe njerëz të tjerë që falen...”

Ai tha, foli, nuk u frikësua, nuk u turpërua. Njëjtë sikur Ibrahimi a.s. që
shkatërroi putat dhe tha: ‘Pyeteni të madhin e tyre, se ai i bëri këto
punë...’

Thuaj edhe ti, por para se të thuash, duhet që të jesh i madh. Në karvanin e
Muhammedit a.s. e Sulejmanit a.s. nuk ka vend për njerëz të vegjël. Me trup
mund të jesh milingonë, por në vepër dhe punë duhesh të jesh Omer r.a.