Mirush Kabashi kerkime per eshtrat e te pushkatuarve

 
 
Mirush Kabashi kërkime për eshtrat e të  pushkatuarve

 
 
KORCË- Aktori i njohur i  Teatrit Kombeëtar Mirush Kabashi ka nisur këkimet 
në Qafë- Plloçë të Pogradecit  për gjetjen e eshtrave të dy të rinjve 
Durrsak të pushkatuar pa gjyq në dhjetor  të vitit 1946 për shkak të ideve të 
tyre liberale. Prej tre ditësh Kabashi i  ndihmuar edhe nga autoritet vendore 
është duke kryer kërkime për gjetjen e  eshtrave të Mark Tocit dhe Skënder 
Celës, ky i fundit është edhe daja i tij.   
Sipas Kabashit dokumentet faktojnë se dy të rinjtë janë ekzekutuar buzë  
liqenit të Podradecit dhe më pas trupat e tyre janë hedhur në kodrat e Qafë-  
Plloçës. 
“Unë kam prej 18 vitesh, që interesohem për të gjetur dokumentacionet e dy 
të  rinjve Durrsak të zhdukur pa gjyq në dhjetorin e vitit 1946, njëri prej  
viktimave është edhe daja im. Në atë kohë ata kanë qënë 22 dhe 23-vjec. 
Mark  Toci nga një familje shumë të nderuar nga Durrësi dhe Skënder Cela daja 
im, duke  mos pasur asnjë argument klika partiake vendosi ti zhdukë në 
pamundësi që ti  dënonte,- u shpreh aktori i mirënjohur Mirush Kabashi. 
Falë një inisiative të tillë të familjarëve rreth një muaj më parë pas një  
kalvari të gjatë kërkimesh u gjetën në Shkodër eshtrat e dy ish të 
burgosurve  politik Tom Doja dhe Sokol Sokoli të ekzekutuar nga regjimi komunist dhe 
vetëm  disa ditë më vonë u gjetën eshtrat e të pushkatuarit nga regjimi 
komunist Zef  Martini, falë një skice të hartuar nga Ministria e  Brendshme.
(e.m/NEWS24/BalkanWeb)